نزار ئامێدی وەکی سەرۆککۆمارێ ئیراقێ ھات ھلبژارتن

نزار ئامێدی، کاندیدێ یەکیتیا نشتمانییا کوردستانێ (یەنەکێ)، پشتی کو د گەڕا دویەما دەنگدانێ دە پرانیا دەنگێن پارلامەنتەرێن ئیراقێ ب دەست خستن، وەکی سەرۆککۆمارێ نوویێ ئیراقێ ھات ھلبژارتن.

رۆژا شەمیێ، 11ێ نیسانا 2026ێ، نزار محەمەد سەعید ئامێدی د گەڕا دویەما دەنگدانێ دە ب بدەستخستنا 227 دانگان سەرکەفتنەکە مەزن ب دەست خست. ل ھەمبەری وی، موسەننا ئەمینێ کو ژ بۆ ھەمان پۆستی د ناڤا پێشبازیێ دە بوو، تەنێ کاری 15 دانگان ب دەست بخە.

نزار ئامێدی کییە؟

ژ دایکبوون: 6ێ سباتا 1968 ل قەزایا ئامێدیێ یا پارێزگەھا دوھۆکێ ژ دایک بوویە.

زانیاریێن کەسی: زەوجییە و بابێ چار زارۆکانە.

پەروەردە: خوەدیێ باوەرنامەیا بەکالۆریۆسێیە د وارێ ئەندازیاریا میکانیک دە ژ زانینگەھا مووسلێ.

پۆستێ حیزبی: ئەندامێ مەکتەبا سیاسی یا یەکیتیا نشتمانی یا کوردستانێ (یەنەکێ)یە.

تەجرووبەیێن کاری: د ناڤبەرا سالێن 1993 ھەتا 2003 دە د نڤیسگەھا مام جەلال دە کار کریە.

د ناڤبەرا سالێن 2005 ھەتا 2022یێ دە راوێژکارێ پلەبلندێ سێ سەرۆککۆمارێن جودایێن ئیراقێ بوویە.

د ناڤبەرا سالێن 2022 ھەتا 2024ێ دە وەزیرێ ژینگەھێ یێ ئیراقێ بوویە.