جهی دی ڤانس: مه هێلێن خوه یێن سۆر دیار کرن، نها تۆپ ل قادا تههرانێ یه
جیگرێ سهرۆکێ ئامهریکایێ جهی دی ڤانس راگهاند، واشنگتۆنێ د دانوستاندنێن ب ئیرانێ ره “هێلێن خوه یێن سۆر” ب زهلالی دیار کرنه و “نها تۆپ ل قادا تههرانێ یه”.
جهی دی ڤانس ل داویا ههفتهیا بۆری ل وهلاتێ پاکستانێ سهرۆکاتیا شاندهیا ئامهریکایێ کر و ب رایهدارێن ئیرانێ ره جڤیا. لێ بهلێ ئهڤ دانووستاندنێن کو ئارمانجا وان راوهستاندنا شهرێ پێنج ههفتهیی بوو، بێیی ت ئهنجام یان رێکهفتنهکێ بداوی بوون. ئهڤ شهرێ ل ناڤچهیێ، د 28ێ سباتا بۆری ده ب ئێریشێن ئامهریکا و ئیسرائیلێ یێن ل سهر ئیرانێ دهست پێ کربوو.
جهی دی ڤانس د ههڤپهیڤینهکێ ده لگهل کانالا “فۆكس نیۆز” بال کشاند سهر مهرجێن ئامهریکایێ و دهستنیشان کر کو سهرۆک دۆنالد ترامپ د دو خالێن سهرهکه ده، ت نهرمیێ نیشان ناده:
– کۆنترۆلکرنا یورانیومێ: دڤێ ئورانیوما دهولهمهندکری یا ئیرانێ د بن کۆنترۆلا ئامهریکایێ ده به.
– مهکانیزمایا پشکنینێ: ئاڤاکرنا سیستهمهکه چاڤدێریێ یا پر هوور و توند، دا کو وهره میسۆگهرکرن کو ئیران د پاشهرۆژێ ده چهکێن ئاتۆمی پێش نهخه.
جهی دی ڤانس د ڤێ بارێ ده گۆت: “ژ بۆ ئیرانیان هێسانه کو بێژن چهکێن مه یێن ئاتۆمی نابن، لێ ژ بۆ مه یا گرنگ ئهوه کو ئهم سیستهمهکه وسا یا گارانتیکری ئاڤا بکن، کو ئهم پێ ئهوله بن ئهڤ یهک روو ناده.”
جیگرێ سهرۆکێ ئامهریکایێ ههروها دهستنیشان کر، واشنگتۆن ل بهندێ یه ئیران د بهردێلا ئاگربهستا دو ههفتهیی ده –یا کو ههفتهیا بۆری ههر دو ئالی ل سهر ل ههڤ کربوون– تهنگاڤا هورمزێ ب تهمامی ژ بۆ چوونووهاتنا دهریایی ڤهکه.
ئهڤ داخویانیێن جهی دی ڤانس نیشان ددن کو تهڤی ئاگربهستا دهمکی ژی، راگهشیا د ناڤبهرا ههر دو وهلاتان ده ل سهر مژارا ئاتۆمی و ئهولههیا دهریایی هین ب توندی بهردهوام دکه.
