قالیباف جارا سێیەم وەک سەرۆکێ پارلامەنا ئیرانێ ھات ھلبژارتن

محه‌مه‌د باقر قالیباف ب پرانیا دەنگێن پارلامەنتەران، ژ بۆ سالا سێیەمین ل پەی ھەڤ وەک سەرۆکێ پارلامەنا ئیرانێ (ئەنجوومەنا شوورایا ئیسلامی) ھات ھلبژارتن.

ل گۆری ئاژانسا “فارس”، سبەھا ئیرۆ 25ێ گولانا 2026ان، ھلبژارتنێن ژ بۆ دەستەیا سەرۆکاتیا پارلامەنا ئیرانێ برێڤە چوون. د ئەنجامێ دە، محه‌مه‌د باقر قالیباف کاری باوەریا پرانیا ئەندامان ب دەست بخە و وەک سەرۆکێ خولا 12ان یا پارلامەنێ د پۆستێ خوە دە بمینە.

ل ئیرانێ، ھەر سال د 7ێ مەھا خوردادێ دە (ل گۆری سالنامەیا شەمسی)، کو سالڤەگەرا دامەزراندنا پارلامەنێ یە، ھلبژارتنێن ناڤخوەیی یێن ژ بۆ دەستەیا سەرۆکاتیێ و کۆمیتەیان تێنە ئەنجامدان.

دەستەیا سەرۆکاتیا پارلامەنێ ژ 12 کەسان پێک تێ: سەرۆک، 2 جیگرێن سەرۆک، 3 چاڤدێر و 6 سەکرەتەر.

ھەروھا پارلامەنا ئیرانێ ژ 13 کۆمیتەیێن پسپۆر و تایبەت پێک تێ. ھەر کۆمیتەیەک ژ 6 ئەندامان پێک تێ کو د ناڤ خوە دە سەرۆکەک، دو جیگر، بەردەڤکەک و دو سەکرەتەران ھلدبژێرن.

ل گۆری پەیرەوێ ناڤخوەیی، ئەندامێن دەستەیا سەرۆکاتیا پارلامەنێ ب دەنگدانا راستەراستا ھەموو پارلامەنتەران تێنە ھلبژارتن، لێ سەرۆکێن کۆمیتەیان تەنێ ژ ئالیێ ئەندامێن ھوندرێ کۆمیتەیێ ڤە تێنە ھلبژارتن.