ئەندامەکی داعشێ ل گوندەوارێ حەلەبێ ھاتە کوشتن
ل گوندەوارێ پارێزگەھا حەلەبێ، خوەکوژەکی سەر ب رێخستنا تەرۆریستی یا داعشێ ڤە ژ ئالیێ ھێزێن ئارتێشا سووریێ ڤە ھاتە کوشتن. ل گۆری زانیاریێن ئەولەھیێ، ئەڤ کەس د دەما ھەولدانا ئەنجامدانا ئێریشەکە خوەکوژی دە ھاتیە کوشتن.
مەدیایا فەرمی یا سووریێ راگھاند کو ئەندامێ رێخستنا داعشێ ھەول دایە خوە ل نێزیکی ناڤەندەکە فرقەیا 76ێ یا ئارتێشا سووریێ بتەقینە. لێبەلێ، یەکینەیێن سەربازی یێن ل دەڤەرێ رێ ل بەر کارەساتەکێ گرتیە.
چاڤکانیێن مەدیایی یێن سووری دیار کرن کو ئێریشکار ل سەر مۆتۆرسیکلەکێ نێزیکی ناڤەندا فرقەیێ بوویە. پشتی کو گومان ژێ ھاتیە کرن، یەکسەر ژ ئالیێ ئەندامێن فرقەیێ ڤە رووبروویی گولەبارانکرنێ بوویە. ھات راگھاندن کو ئێریشکار د بن گولەبارانێ دە تەقەمەنیا ب خوە رە تەقاندیە، لێ د ئەنجاما ڤێ تەقینێ دە چ زیانێن جانی یان مادی د ناڤ رێزێن ئارتێشێ دە چێنەبوونە.
