قەیرانا جەهەپێ گەهشتە لۆتكێ: ئەگەر کۆنگرە نەهێتە بەستن، پارتی دێ ژ هەلبژارتنان هێتە بێبەشکرن
ل جهههپێ پشتی کریزا برێڤەبریێ یا کو ب بریارا دادگەھێ دەست پێ کر، ژ 138 پارلامەنتەرێن پارتیێ 111 پارلامەنتەران داخویانیەکە ھەڤپار بەلاڤ کر و راگھاندن کو ئەو دیزاینکرنا پارتیێ یا ب بریارێن دادگەھێ قەبوول ناکن و خوەستن کو 12ێ تیرمەھا 2026ان کۆنگرەیا ئاوارتە بێ لدارخستن.
ل پارتیا گەل یا کۆماری (جهههپێ)، پشتی کو دادگەھا ئەنقەرەیێ ل سەر کۆنگرەیا 38مین یا ئاسایی بریارا بەتالکرنێ دا، تەڤگەر و ئالۆزی دەرباسی قۆناخەکە نوو بوون.
111 پارلامەنتەرێن کو پرانیا کۆما پارتیێ پێک تینن، ل دژی مایتێكرنا د دادگههێ ده داخویانیەکە ھەڤپار ئیمزە کر. وان د ڤێ داخویانیێ دا زانین کو ئەو قەبوول ناکن پارتی ب بریارێن دادگەھێ یێن ل دژی دەستوورێ وەرە دیزاینکرن.
د داخویانیا ھەڤپار دە وھا ھات گۆتن: ھەگەر ئەڤ کریز چارەسەر نەبە و جهههپه ھەتا 25ێ تیرمەھا 2026ان کۆنگرەیێ ل دار نەخە، پارتی دێ رووبروویی خەتەرەیا بەشدارنەبوونا ھلبژارتنان ببە.
وان ژ بۆ کو ئەڤ خەتەرە ژ ھۆلێ رابە و ئیرادەیا پارتیێ ب ئاوایەکی زەلال دەرکەڤە ھۆلێ، بانگی پارتیێ کر کو 12ێ تیرمەھا 2026ان کۆنگرەیا ئاوارتە کۆم ببە.
د ناڤ وان 111 کەسێن کو داخویانیا ھەڤپار ئیمزە کریە دە، ئۆزگور ئۆزەل ژی ھەیە کو ب بریارا دادگەھێ دەستھلاتا وی یا سەرۆکاتیا گشتی ژێ ھاتیە ستاندن.
ھەلوەستا باسکێ کەمال کلچدارۆگلو یا ل ھەمبەری ڤێ بانگێ، دێ د رۆژێن پێش دە ئاراستهیا جهههپێ دیار بکە.
