ل گوندەوارێ رۆژئاڤایێ پایتەختا سووریەیێ روودانەکا نوویا لەشکەری ھات تۆمارکرن. مەدیایا فەرمی یا دەولەتا سووریەیێ (ئەل-ئیخباریە) راگھاند کو لەشکەرێن ئیسرایلێ خەتا سینۆری بەزاندیە و ل نێزیکی باژارۆکێ بەیت جنێ کەتنە ناڤ ئاخا سووریەیێ. ل گۆری ئاگاھیان، ھێزێن ئێریشکار د ناڤ زەڤیەکا چاندنیێ دە ئاڤاھیەک کو کەس تێ دە نەدژیا ب تەمامی تەقاندنە.
ئەڤ دەستوەردانا نوو د دەمەکێ دەیە کو ئالۆزیێن سینۆری گھیشتنە ئاستەکە بلند.
د جڤینا داوی یا نەتەوەیێن یەکبوویی دە (23یێ ئیلۆنێ)، سەرۆککۆمارێ سووریەیێ ئەحمەد شەرع بالا جیھانێ کشاندبوو سەر ڤان زەختان و دابوو زانین کو ئیسرایلێ ھەتا نھا ب سەدان ئێریشێن ئاسمانی و تۆپباران ئەنجام دانە، ب ھەزاران جاران سینۆر دەرباس کریە و ب دەھان وەلاتی ژی گرتنە.