وەزارەتی بەرگری دەوڵەتی تورک: شەڕی ئێمە دژ بە پەکەکە بەردەوام دەبێت.
لە هێرشەکانی ئەم دواییەی دەوڵەتی تورکدا بۆ سەر پەکەکە لە باشوور و ڕۆژئاوای کوردستان، 8 گەریلای دیکەی یەپەگە و پەکەکە گیانیان لەدەستداوە.
بەگوێرەی زانیارییەکانی ئاژانسی ئانادۆڵ، زمانحاڵی فەرمیی دەوڵەتی تورک، ئەمڕۆ یەکشەممە 17ی نۆڤەمبەری 2024دا، لە باشوور و ڕۆژئاوای کوردستاندا هێرشیان دژ بە جموجۆڵ و چالاکییەکانی پەکەکە و یەپەگە ئەنجامدراوە.
لە هێرشەکەدا 4 گەریلای پەکەکە لە باشووری کوردستان و لە ڕۆژئاواشدا 4 شەڕڤانی یەپەگە کراونەتە ئامانج و گیانیان لەدەستداوە.
وەزارەتی بەرگری دەوڵەتی تورک دەربارەی هێرشەکان ڕایگەیاندووە، شەڕی چەکدارانیان لە دژی پەکەکە بەردەوام دەبێت.
