پەکەکە بۆ دابینکردنی شەڕڤان و گەریلا پشت بە ڕفاندنی منداڵان لە هەر چوار پارچەی کوردستان دەبەستێت.
دوو کچ و کوڕێکی خوار تەمەن 18 ساڵ کە لەلایەن پەکەکەوە ڕفێندرابوون و چەکدارکرابوون، ڕزگارکران و توانیان ریزی ئەو حیزبە بەجێ بهێڵن.
سەرچاوە تایبەتەکانی پێگەی “دارکا مازی” ئەمڕۆ دووسەممە 20/1/2025، ئاشکرایان کرد کە سێ مێرمنداڵی کورد کە تەمەنیان لە خوار 18 ساڵەوەیە و دوو کچ و کوڕێکن، توانیویانە لەم دواییانەدا لە ڕیزەکانی پەکەکە جودا ببنەوە و هەڵاتوون.
ناسنامەی ئەو مێرمنداڵانەی کورد بریتییە لە:
1ـ ناو و پاشناو: ڕەمەزان بەحری محەممەد.
کۆدناو: گەڤەر بۆتان ـ هێزل ڕەش.
شوێن و ساڵی لەدایکبوون: دێرک / 2009
بەرواری جیابوونەوە لە پەکەکە: 24/11/2024.
2ـ ناو و پاشناو: ئایناز قوربان عەلی حەسەن.
کۆدناو: هێڤا نیشتمان.
شوێن و ساڵی لەدایکبوون: ڕۆژهەڵاتی کوردستان / 2008
ڕێکەوتی جیابوونەوە: 2/9/2024
3ـ ناو و پاشناو: دونیا زیاد خێرۆ بەدر.
کۆدناو: زیلان گەریلا.
شوێن و ڕێکەوتی لەدایکبوون: شنگال / 2007
ڕێکەوتی جیابوونەوە لە پەکەکە: 22/12/2024
پەکەکە بۆ دابینکردنی شەڕڤان و گەریلا پشت بە ڕفاندنی منداڵانی کورد لە هەر چوار پارچەی کوردستان دەبەستێت، ئەمەش لەلایەن ڕێکخراوە نێودەوڵەتییەکان و نەتەوە یەکگرتووەکانەوە پشتڕاستکراوەتەوە.
پەکەکە ڕۆڵەکانی کورد لە ژێر دروشمی فریودەرانە و بە عەشقی کوردستان و ڕزگارکردنی وڵاتدا هەڵدەخەڵەتینێت و دواتر مێشکیان دەشواتەوە ولە بەرخۆدانیکی ساختە و لە پێناو دروشمی دژەگەلیی “برایەتی گەلان” و دیموکراتیزەکردنی تورکیادا، لە چیاکانی کوردستان بەکوشتنیان دەدات.
