روانگەی سووری: هاوکات لەگەڵ گۆڕینەوەی دیلەکان و تەرمەکاندا، ئاگربەست لە نێوان هەردوولادا ڕاگەیاندراوە.
ڕوانگەی سوریا بۆ مافەکانی مرۆڤ ڕایدەگەیەنێت هێزەکانی سوریای دیموکراتیک (هەسەدە) و “سوپای نیشتیمانی سووریا” ئامادەکاری دەکەن بۆ ئەوەی دیلەکان و تەرمەکان بگۆڕنەوە.
ڕوانگەکە ئاشکرای کرد کە هەسەدە و سوپای نیشتیمانی ئاڵوگۆڕی دیل و تەرمی ئەو شەڕڤان و چەکدارانە دەکەن کە لە چەند هەفتەی ڕابردوودا لە بەنداوی تشرین و پردی قەرەقۆزاخ گیانیان لەدەستداوە و کوژراون.
هەروەها ڕاشیگەیاندووە کە هەسەدە 40 تەرمی شەڕڤانانی خۆی لە سوپای نیشتمانی وەرگرتووەتەوە و 25 تەرمیان چەکدارەکانی ئەوانیشی ڕادەست کردۆتەوە کە چواریان تورک بوون.
ئامادەکارییەکان بۆ ئاڵوگۆڕی دیلەکان و تەرمەکان لەکاتێکدایە کە لە 12ی ژانیڤەری ڕابردووەوە، شەڕ و پێکدادان لەنێوان شەڕڤانانی هەسەدە و میلیشیا داگیرکەرەکانی بەکرێگیراوی دەوڵەتی تورک لە ناوچەکانی بەنداوی تشرین و پردی قەرەقۆزاخدا لەئاردایە.
بەپێی ئەو زانیاریانەی کە روانگەکە بڵاوی کردۆتەوە، هاوکات لەگەڵ گۆڕینەوەی دیلەکان و تەرمەکاندا، ئاگربەست لە نێوان هەردوولادا ڕاگەیاندراوە.
