ئەردۆغان: پرۆسەی ئاشتی بەخێرایی بەرەوپێش دەچێت

ئەردۆغان: “ساڵانێکە شارەکانی باشووری تورکیا تووشی شەڕ و ئاڵۆزیی بووە و بڕیارماندا کۆتایی پێبهێنین و لەوانەیە ئێستا تەنها چەند ئەشکەوتێک لەم ناوچانەدا مابێتەوە”.

سەرۆک کۆماری تورکیا، ئاماژەی بەوە دا، بەهۆی دەستپێکردنی پرۆسەی ئاشتی ئارامی بۆ سەرتاسەری تورکیا گەڕاوەتەوە.

ڕۆژی یەکشەممە، 14/12/2025، رەجەب ئەردۆغان، سەرۆک کۆماری تورکیا لە دیدارێکیدا لەگەڵ گەنجانی وڵاتەکەی قسەی کردووە و لەبارەی پرۆسەی ئاشتی ڕایگەیاند: ساڵانێکە شارەکانی باشووری تورکیا تووشی شەڕ و ئاڵۆزیی بووە، ئەم ئاڵۆزییانە بەجۆرێک بڵاوبووەوە کە گەنجەکانمان نەیانتوانی لە ژینگەیەکی تەندروستدا لە زانکۆکانماندا بخوێنن.

ئەردۆغان گوتی: لەم ناوچانە خەڵکێکی زۆرمان لەدەستدا بۆیە بڕیارماندا کۆتایی پێبهێنین  و بە خێرایی هەنگاو بنێین بۆ کۆتاییهێنان بە شەڕ و کێشەکان ، لەوانەیە ئێستا چەند ئەشکەوتێک لەم ناوچانەدا مابێتەوە.

 هەروەها ئاماژەی بەوە دا،  پەرلەمان ئەرکی خۆیان سەبارەت بە پرۆسەی ئاشتی گرتۆتە ئەستۆ و ئێمە هەوڵەکانمان بۆ پرۆسەکە خێراتر کردووەو و چەکەکانیش سوتێنراون و دڵنیایین ئیتر لەم ناوچانە خەڵک بە ئازادی هاتوچۆ دەکات.