سالڤادۆر داڵی

(سالڤادۆر دۆمینگۆ فلپی جاکینتۆ دۆمینیچی ئی داڵی دی پوبۆل) كو ب (سالڤادۆر داڵی) تێ ناسكرن، ل 11 ئیلۆنا سالا 1904ان ده‌ هاتیه‌ سه‌ر دنیایێ  و ل 23 کانونا دوێ ئا سالا 1989ان ده‌، وه‌غه‌را داویێ كریه‌. سالڤادۆر داڵی ب یەک ژ ناسیارترین نیگارکێشێن سەده‌یا 20ان د هونەرا وێنه‌یا سیریالی ده‌ دەستەکێ زێڕین هەبوو، ئه‌و ل گولانا سالا 1904ان ده‌ ل ناڤچه‌یا جرندە ژ دایک بوویە و د مالباته‌كه‌ دەولەمەند ده‌ ژیانه‌كه‌ پڕ شاد ده‌رباس كریه‌ و دای و بابێن وی، هەموو داخوازیێن وی دابین كرنه‌.

سالڤادۆر داڵی، یه‌كه‌مین وێنه‌یا خوه‌ د ته‌مه‌نا 7 سالیێ ده‌‌ كشاندیه‌ و ل دبستانێ ژی وێنه‌یێن داڵی بال دكشاند و هه‌ر ب وێ سه‌ده‌مێ مالبات و مامۆستایێن وی پشتگریا داڵی كرن كو ته‌ڤلی ئه‌كادیمی ئا هۆنه‌را جوان ل سان فێرناندۆ ئا مه‌دریدێ ببه‌، ل سالا 1924ان ده‌ گیرینگی ب دبستانا میتافیزیكی و بنەمای ئێن وێ دایە.

داڵی ل سالا 1931ان ده‌، وێنه‌یا سووربوونا زاکیرێ کشایە کو دبه‌ یه‌ك ژ كارێن وی ئێن هه‌ری ناسیار، داڵی ل داوی ئا سالێن سیهان ده‌ ناسیاربوونه‌كه‌ هه‌ری به‌رفره‌هـ ژبۆ چێبوو، ئه‌و ل نیویۆرکێ ئاكنجیبوو، ل سالا 1948ان ده‌ ڤه‌گه‌ریا کەتەلۆنیایێ و ده‌ست ئاڤێت هونەرا کلاسیک ئا ئۆلی و هه‌ژمارەکه‌ وێنەیێن ئۆلی كشاندن.

ل سالا 1928ان ده‌، ل پاریسێ سلڤادۆر داڵی سیناریۆیەکه‌ سه‌یه‌كێ ئەندەلوسی نڤیساند و ل سالا 1930ان ده‌ سیناریۆ ئا فیلیمێ سەردەما ئالتۆنی نڤیساندیه‌ و هەردو فیلیم ب دووری ئه‌قل و لۆژیكێ تێن ناسكرن.

داڵی ل سالا 1964ان ده‌، پەرتوکەک ل پاریسێ ب ناڤێ بیرهاتنێن کەسەکی ب لیمەت وه‌شاند، بەرهەمێن سالڤادۆر داڵی بێ هه‌متا و پر سەیر و ئه‌نتیك بوونه‌، ژیانا وی ئا هونەری تێكلی شێتاتی و هه‌موه‌خت بلیمه‌تیێ بوونه‌، لێ بەلێ سالڤادۆر داڵی هەر وەکه‌ خوه‌ كه‌سه‌ك فه‌رق و بێ وێنه‌ ما .

ل سالا 1984ان ده‌ و دبوویه‌ره‌كه‌ مژه‌وی ده‌، شه‌وات ب ژوورا وی كه‌ت، لێ به‌لێ ئه‌وی 5 سالێن دن پشتی بوویه‌رێ ژیان كر ل 23 كانوونا دووه‌مین ئا سالا 1989ان ده‌ وه‌غه‌را داویێ كر كو ل وی ده‌مێ، داڵی 84 سالی بوو.

به‌رهه‌ما سالڤادۆر داڵی ب 6000 وێنه‌یان تێن ته‌خمین كرن .

مۆزەخانه‌یا سالڤادۆر داڵی ل باژارێ سان پیتەرسبۆرگێ یه‌.

پوستێن ھەمان بەش

گەلۆ هەپەگە کەتیە قۆناغا دویەمینا شەرێ ل دژی پێشمەرگە؟

pkk-kani mase-peshmarga-hpg