ڤۆلڤانگ ئامادیۆس مۆزارت/ ب ئالمانی (Wolfgang Amadeus Mozart) ئێ ناسیار ب مۆزارت ئاوازدانەر، پیانۆژەن، کەمانژەنەکی دیار ئێ سەردەما کلاسیک بوو و پر بەرهەم ل پاش خوه جی هێلانه.
مۆزارت ل باژارێ سالزبۆرگێ هاته سه‌ر دنیایێ و هەر ژ زارۆكتی ئا خوه حه‌ز و كارینه‌كه مەزن د وارێ مووزیکێ ده ل جه‌م ده‌ركه‌ت، ل ته‌مه‌نا 5 سالیێ ده ئه‌و كاریه ئامیرا پیانۆیێ و کامانێ ب ژەنیت، هه‌ر وها ئاوازێن خوه چێكرنه و ل بەرچاڤێن پادشاهێ سالزبۆرگێ ده‌ركه‌ت هۆلێ.
مۆزارت ل ته‌مه‌نا 17 سالیێ ده، وەکه ژەنیارەک ژ بۆ پادشاهێ سالزبۆرگێ كار كریه، لێ بەلێ ژ وی کاری هنه‌كێ بێزارببوو، هه‌ر ب وێ سه‌ده‌مێ ئه‌و بۆ خوه ل کارەکێ دن گەریا.
ل دەما سەردانا وی ژبۆ ڤیەنایێ ل سالا 1781ان ده، مۆزارت ژ کارێ خوه ئێ ل سالزبۆرگێ هات لادان، ئەوی بریار دا ل پایتەخت بمینه، ل وێ ده‌رێ ژی ناسیاره‌یه‌كه به‌رفره‌هـ ژبۆ چێبوو، لێ بەلێ ژ روویێ ئابووری ڤە چ گوهه‌رین نه‌كرن.
ناسیارترین کارێن مۆزارتی ژ کۆنشێرتو پێک تێ، سیمفۆنی، ئۆپێرا، چامبەر و کۆراڵ، ئەو یه‌ك بوو ژ ناسیارترین ژەنیار و ئاوازدانەرێن کلاسیکان، هه‌موه‌خت کاریگەریەکه مەزن ل سەر هونەا رۆژئاڤا كریه، لودڤیگ ڤان بێتهۆڤنی چەندین کارێن خوه ل بن سه‌یوانا مۆزارتی دا نڤیساندنه.
مۆزارتی ٦٠٠ کار نڤیساندنه و بەرهەم ئانینه.
مۆزارت ل 27 کانوونا دوێ ئا سالا 1756ان ده ل سالزبۆرگێ ل نەمسا هاتیه دنیایێ و ل 5 کانوونا ئێکێ ئا سالا 1791ان ده د ته‌مه‌نا 35 سالیێ ده كۆچا داویێ كریه، مۆزارت ل گۆرستانا قەشە مارکس هاتیە بنئاخ كرن.
