ئارته‌شا تركیێ 117 گه‌ریلا به‌رته‌ره‌ف كرن

ئارته‌شا تركیێ ل مه‌ها بووری 117 گه‌ریلایێن پارتا كاركه‌رێن كوردستانێ په‌كه‌كێ كوشتن و به‌رته‌ره‌ف كرن و هه‌په‌گێ تو داخویانییه‌ك نه‌دا.
وه‌زاره‌تا كارێن هوندر ئا تركیێ ئیرۆ ئاماره‌كه‌ نوو ئا زرارێن جانی ئێن پارتا كاركه‌رێن كوردستانێ په‌كه‌كێ ئێن مه‌ها ته‌باخا ئیسال راگهاند و ل گۆری وێ ئامارێ، 117 گه‌ریلا ل سینۆرێ باشوور و باكوورێ كوردستانێ هاتنه‌‌ كوشتن و به‌رته‌ره‌ف كرن.
د به‌یانا نڤیسكی ئا وه‌زاره‌تا كارێن هوندر ئا تركیێ ده‌ هاتییه‌ كو ژ سه‌رجه‌ما گه‌ریلایێن ل مه‌ها ته‌باخێ هاتنه‌ كوشتن، هه‌ژماره‌كه‌ سه‌ركرده‌یێن داخوازكری ئێن په‌كه‌كێ ژ ئالیێ ده‌وله‌تا تركیێ ڤه‌ هه‌نه‌.
ئارته‌شا تركیێ ب هه‌ماهه‌نگییا ته‌شكیلاتا ئیستخباراتا نه‌ته‌وه‌ئی ئا تركیێ میتێ، ل مه‌ها ته‌باخا ئیسال، هه‌ژماره‌كه‌ به‌رچاڤ یا ئه‌ره‌به‌یێن په‌كه‌كێ ل ناڤ سینۆرێن باشوورێ كوردستانێ مۆشه‌ك باران كرنه‌، چه‌ندین سه‌ركرده‌یێن په‌كه‌كێ ژی تێده‌ كوشتنه‌.
پارتا كاركه‌رێن كوردستانێ و بالێ وێ یێ له‌شكری هه‌په‌گێ، وه‌كه‌ هه‌رجار پشتراستكرنا ئامارا وه‌زاره‌تا كارێن هوندر ئا تركیێ نه‌كرن.

پوستێن ھەمان بەش

گەلۆ هەپەگە کەتیە قۆناغا دویەمینا شەرێ ل دژی پێشمەرگە؟

pkk-kani mase-peshmarga-hpg