هه‌ده‌په‌ داخوازا پشته‌ڤانی و ئالیكاریێ ژ مه‌سعوود بارزانی دكه‌

مەسعوود بارزانی سه‌رۆكێ پارتیا ده‌مۆكرات ئا كوردستانێ ئيرۆ رۆژا شه‌می پێشوازییا سەزایی تەمەلی ھەڤسەرۆکێ پارتا دەمۆکراتیك ئا گەلان (هه‌ده‌پێ) و جیگرێ ھەڤسەرۆک و ھەژمارەکة پارلەمەنتەرێن وێ پارتیێ ل پارلەمەنا ترکیێ کر.

د ھەڤدیتنێ دە ھەڤسەرۆکێ هه‌ده‌پێ پێزانینێن خوە ژ بۆ رۆلا مه‌سعوود بارزانی ئا ل ھەڤکێشەیێن سیاسی ئێن ل رۆژھلاتا ناڤین و خەبات و پێشخستنا دۆزا رەوا ئا گەلێ کورد دە ھەبوو.

ھەروھا ب کورتی رەوشا سیاسی ئا ترکیێ و کێشەیا گەلێ کورد ل وی وەلاتی و سیاسەت و نه‌رینا پارتا خوە ئا ل سەر چاواییا چارەسەرکرنا دۆزا کورد و پێکئانینا ئاشتی و تەبای ئا د ناڤبەرا گەلێن ناڤچەیێ و ب دەستخستنا یەکرێزی و یەک گۆتارییا ئالیێن کوردی ژ بۆ بارزانی شیرۆڤە کر.

داخواز ژی کر کو بارزانی ب بەر چاڤ گرتنا وێ رۆل و پێگەھا کو ل ناڤ کوردستان و ناڤچەیێ ده‌ ھەیە، ئالیكارییا چارەسەریا ئاشتیانە و سیاسییانە ئا دۆزا کورد بدە.

ژ ئالیێ خوە ڤە بارزانی سەردانا شاندا هه‌ده‌پێ ژ بۆ ھەرێما کوردستانێ ب گرینگ وەسف کر و ژ بلی بالکشاندنا ل سەر وێ یەکێ کو ھەر پەرچەیەک ل کوردستانێ تایبەتمەندی ئا خوە ھەیە، راگهاند ژ بۆ دوورکەتنا ژ ئالۆزییان پێویستە ئالیێن کوردی وان تایبەتمەندیان ل بەر چاڤ بگرن کو ل ھەر بەشەکی کوردستانێ ده‌ ھەیە.

تەکەز ژی ل وێ یەکێ کر کو ھیچ دۆزه‌ك ب دۆزا گەلێ کورد ڤە ب شەر و توندوتیژیێ نایێ چارەسەر کرن و داویێ ژی دبێ چارەسەریەکە سیاسی و ئاشتیانە سەر بکەڤێ.

بارزانی ل درێژاھیا ئاخافتنا خوە ده‌ ئه‌و یەک ب شاندا میھڤان راگھاند کو ژ بۆ یارمەتیدانا چارەسەریا ئاشتیانەیا دۆزا کورد ل ترکیێ و بەشێن دن ل ھیچ ھەولەکی دە کێماسی ناکە و ئەوێ ژ دەست بێ ژ بۆ ڤێ مەبەستێ ئەنجام بده‌. بارزانی داخواز ژی ژ شاندا میھڤان کر کو ژ بلی ئالۆزی و ھەبوونا گرفتا کوور ب تو ئاوایەکی ژ چارەسەریا ئاشتیێ بێ ھێڤی نەبن و رێ ژی نەدن کو ھەبوونا ناکۆکیێن سیاسی ببێ سەدەما سەرھلدانا ناکۆکی ئا نەتەوەی ئا د ناڤبەرا کورد و ترک ده‌.

ل ڤێ ھەڤدیتنێ دە فازل میرانی سەکرەتەر و ھۆشیار زێباری ئەندامێ پۆلیتبیرۆ ئا سیاسی و ئەلی هسێن بەرپرسێ تێكلیێن نشتیمانی ئێن پارتا دەمۆکراتا کوردستانێ و سەفین دزەیی بەرپرسێ فەرمانگەھا تێكلیێن دەرڤە ئێن ھکوومەتا ھەرێما کوردستانێ ژی ئامادە بوون.

پوستێن ھەمان بەش

گولان گارزان ئەو ژنا ب نهێنیێن خوە ڤە ھاتە بن ئاخکرن

گولان گارزان ئەو ژنا ب نهێنیێن خوە ڤە ھاتە بن ئاخکرن