نێچیرڤان بارزانی په‌سنا رۆلا فره‌نسایێ كر

نێچیرڤان بارزانی سەرۆکێ ھەرێما کوردستانێ پەسنا رۆلا سەرۆک ماكرۆن و فره‌نسایێ ل پشتگیریا ھەرێما کوردستانێ کر و دوپات کر کو گەلێ کوردستانێ رێز و پێزانینێن خوە ژ بۆ دۆستاتی و پشتگیریا فره‌نسایێ ھەیە و خوازیارێ زێدەتر پێشخستنا تێكلیێن ل گەل فره‌نسایێ یە.

سەرۆک نێچیرڤان بارزانی، پشتی نیڤرۆیا ئیرۆ یەکشەمی د ھەڤدیتنەکێ ده‌ ل گەل ئۆلڤەر دەجۆتتگنەس، کۆنسۆلێ گشتیێ نوو ئێ فره‌نسایێ ل ھەولێرێ، ژ بلی پیرۆزباھییا دەستبکاربوونا وی ل ئەرکێ نوو ده‌، ھێڤیا سەرکەتنێ ژبۆ خوەست و ھەموو پشتگیری و ھێسانکارییەکی ژبۆ دوپات کر.

ھەروھا نێچیرڤان بارزانی بالکشاند ل سەر رۆلا سەرۆک ماكرۆن سەرۆکێ فره‌نسایێ ئا ل پشتگیریکرنا ھەرێما کوردستانێ و ھەولێن وی ئێن ژبۆ دەستپێکرنا دیالۆگا ھەولێرێ و بەغدایێ کو ل ئەنجامێ ده‌ ھەردو ئالی کارین گاڤێن ئاساییکرنا تێكلییان و چارەسەرکرنا ھنەک ژ کێشەیان بکن، ھەروھا پشتگیرییا خوە ژ بۆ ھەولێن فره‌نسایێ ئا ب ناڤێ چارەسەرکرنا ناکۆکیێن د ناڤبەرا ئالیێن سیاسی ئێن کوردی ئێن رۆژئاڤا كوردستانێ ده‌ دەربری.

ل ھەڤدیتنێ دە ھەردو ئالییان رەوشا ئه‌وله‌هیێ، سیاسی و ئابووری ئا ئیراقێ گۆتوبێژ كر و تەکەز ل سەر گرینگیا ھەڤکاری و ھەماھەنگیا د نێڤبه‌را ھەرێما کوردستانێ و ھکوومەتا فەدەرال ئا ژ بۆ پاراستنا ئاساییش و ئارامیێ ب تایبەتی ل ناڤچەیێن ناکۆکی ل سەر کر.

 کۆنسۆلێ گشتیێ فرانسایێ ل ھەولێرێ سپاس و پێزانینێن وەلاتێ خوە ژ بۆ ھەڤکاری و یارمەتی ئێن ھەرێما کوردستانێ ئا ژ بۆ کۆچبەر و پەنابەران دوپات کر.

ھەر وھا رۆناهی خستە ل سەر سەردانا چاڤەرێ کری ئا سەرۆکێ فرانسایێ ئێمانوێل ماكرۆن ژبۆ ئیراقێ و ھەرێما کوردستانێ.

پوستێن ھەمان بەش

گەلۆ هەپەگە کەتیە قۆناغا دویەمینا شەرێ ل دژی پێشمەرگە؟

pkk-kani mase-peshmarga-hpg