هه‌ڤدیتنێن شاندا پارتا ده‌مۆكراتیك ئا گه‌لان هه‌ده‌پێ، ل گه‌ل ئالیێن سلێمانیێ به‌رده‌وام دكن، ئیرۆ رۆژا سێشه‌می، ب پۆلیتبیرۆ ئا یه‌كیتیا نشتیمانی ئا كوردستانێ، هه‌ڤدیتن پێكئانین.
ئیرۆ شاندا هه‌ده‌پێ ب سه‌رۆكتیا سه‌زایی ته‌مه‌لی، هه‌ڤسه‌رۆكێ وێ پارتێ، ل باژارێ سلێمانیێ سه‌ردانا پۆلیتبیرۆ ئا ینكێ كر، د هه‌ڤدیتنێ ده، تێكلیێن دوئالی، ره‌وشا ناڤچه‌یێ و هه‌ولێن ب داویكرنا شه‌رێ نێڤبه‌را ئارته‌شا تركیێ و پارتا كاركه‌رێن كوردستانێ ده و هه‌ر وها دوباره ده‌ستپێكرنا پێڤاژۆیا ئاشتیێ گۆتوبێژ كرن.
شاندا هه‌ده‌پێ، پشته‌ڤانیا سیاسی خوه‌ست، هه‌روه‌ها ینكێ به‌رهه‌ڤی ژبۆ هه‌ر هه‌وله‌كه ئاشتیێ دیاركر.
شاندا پارتا ده‌مۆكراتیك ئا گه‌لان، دوهـ رۆژا دوشه‌می گه‌هشت سلێمانیێ و هه‌ر راست ل گه‌ل سه‌رۆك كۆمارێ ئیراقێ به‌رهه‌م سالهـ و پاش ل گه‌ل ته‌ڤگه‌را ئازادی ئ جڤاكا كوردستانێ هه‌ڤدیتن پێكئانین.
د ته‌ڤی جڤینێن هه‌ولێرێ ژی ده، شاندا هه‌ده‌پێ پشتگیریا سیاسی ژ سه‌ركرده‌یێن هه‌رێما باشوورێ كوردستانێ و خورتكرنا تێكلییان داخواز كر.
