دادگه‌ها ئه‌مه‌ریكایێ، سزایێ زیندانكرنێ بۆ ده‌ما 14 رۆژان ژبۆ ئه‌كته‌را ناڤدار فێلێستی هۆڤمه‌نێ ده‌رخست، پشتی كو سووچا قۆپیه كرنێ ل سه‌ر ئه‌شكه‌ره بووی.
د روونشتنا داویێ ئا دادگه‌هكرنا ئه‌كته‌را ئه‌مه‌ریكی فێلێستی هۆڤمه‌نێ، سزایێ 14 رۆژێن زیندانكرنێ ژبۆ هات ده‌رخستن، پشتی كو سووچا ده‌ستهه‌بوونا وێ د قۆپیه كرنێ ده ژبۆ ته‌ڤلیبوونا كه‌چا وێ ل زانینگه‌هێ ل سه‌ر هاتی ته‌سبیتكرن.
هه‌ر وها دادگه‌هێ ژبلی سزایێ زیندانكرنێ، هۆڤمه‌ن ب قاسێ 30 هزار دۆلارین ئه‌مه‌ریكی جه‌زا كر.
د روونشتنا دادگه‌هێ دا، فێلێستی هۆڤمه‌نێ دانپێدان كر كو وێ دراڤ ژبۆ سه‌راستكرنا ئه‌نجاما تێستا كه‌چا خوه دانه، ژ بۆ كو ل زانینگه‌وهێ وه‌ره قه‌بوول كرنێ.
هه‌موه‌ختا دانپێدانا خوه، هۆڤمه‌نێ داخوازا لێبۆرینێ كر، لێ به‌لێ دادگه‌هێ بریار دا كو وه‌ره زیندان كرن.
فێلێستی هۆڤمه‌ن ب ئه‌كته‌را سه‌ره‌كه ئا زینجیره درامایا ئه‌مه‌ریكی “دێسپرێت هاوس وایڤزه” ه كو ژبۆ خه‌لاتا ئۆسكارێ هاتبوو نامزه‌د كرن.
