زه‌لامێ تانكێ وه‌غه‌را داویێ كر

فۆتۆگرافه‌رێ ناسیار ئێ ئه‌مه‌ریكی و خوه‌دیێ فۆتۆیا زه‌لامێ چینی كو ل سالێن 80ان ده‌ ل به‌رانبه‌ر كاروانه‌كه‌ تانكێن ئارته‌شا چینێ سه‌كنی، وه‌غه‌را داویێ كر.

وه‌زاره‌تا كارێن ده‌رڤه‌ ئا ئه‌مه‌ریكایێ، د به‌یانه‌كه‌ نڤیسكی ده‌ ئه‌شكه‌ره‌ كر، ئیرۆ رۆژا شه‌می، چارلی كۆل فۆتۆگرافه‌رێ ناسیار ئێ ئه‌مه‌ریكی د ژیێ64 سالیێ ده‌، ل گرئاڤا بالی ل وه‌لاتێ ئێندۆنیسیا وه‌غه‌را داویێ كر.

هه‌ر وها خوه‌یا كر، چارلی ژ ویلایه‌تا ته‌كساسه‌، لێ به‌لێ ده‌ما چه‌ندین سالانه‌ ئه‌و ل گرئاڤا بالی ئا ئێندۆنیسیا ژیان دكر.

چارلی كۆل ل سالا 1989ان ده‌، فۆتۆیه‌ك ژبۆ زه‌لامه‌كێ چینی كشاندبوو كو د رێیا كاروانه‌كه‌ تانكێن ئارته‌شا وی وه‌لاتی ده‌ سه‌كنی بوو، ده‌ما ئارته‌شێ هه‌ولا ژناڤبرنا خوه‌نیشاندانێن مه‌یدانا “تیانانمین” دكری، ئه‌و فۆتۆ ژی وه‌كه‌ هێمایه‌كی ده‌ركه‌ت هۆلێ و ناڤێ “Tank Man” ئانكو زه‌لامی تانكێ لێ هات كرنێ.

فۆتۆگرافه‌ری ناڤهاتی ل سالا 1990ان ده‌ خه‌لاتا “وورلد پرێس” ژبۆ باشترین فۆتۆیا رۆژنامه‌ڤانی ب ده‌ستخست، ئه‌و خه‌لات ژی پاداشتا فۆتۆ یا “زه‌لامێ تانكێ” بوو.

چارلی كۆل فۆتۆیا “زه‌لامێ تانكێ” ل سالا 1989ان ده‌ ل مه‌یدانا “تيانانمين” ل په‌كینا پایته‌ختا چینێ كشاندبوو، ده‌ما كو ئارته‌شا چینێ هه‌ولا ژناڤبرنا خوه‌نیشاندانێن نه‌رازیبوونێ دكری.

ئه‌ڤ فۆتۆ ل پێتری ئا وه‌لاتێن جیهانێ ناسیاره‌، لێ به‌لێ ل چینێ، هنه‌كی نه‌ ناسیاره‌، ب سه‌ده‌ما وێ چاڤدێری و قه‌ده‌غه‌یا توند ئا هكوومه‌تێ ل سه‌ر وه‌شانا وێ فۆتۆیێ سه‌پاندی.

پوستێن ھەمان بەش

گولان گارزان ئەو ژنا ب نهێنیێن خوە ڤە ھاتە بن ئاخکرن

گولان گارزان ئەو ژنا ب نهێنیێن خوە ڤە ھاتە بن ئاخکرن