هه‌ڤركا ڤلادیمێر پۆتین ئێ سه‌رۆكێ رووسیا فه‌ده‌رال، ئاهه‌نگا زه‌وجینا خوه ئیرۆ ل مۆسكۆیێ كر و ب ئه‌ره‌به‌یا مه‌یتان به‌ر ب په‌رستگه‌هێ ژبۆ ماره‌برینێ چوو.
كسینا سۆبچاك كو د هلبژارتنێن بووری ده نامزه‌دا سه‌رۆكتی ئا رووسیایێ بوو و خوه ب هه‌ڤركا سه‌رۆك پۆتینی د دا ناسكرن، ئیرۆ زه‌وجی، ئه‌ره‌به‌یا كو ژبۆ ئاهه‌نگێ و مه‌راسیما زه‌واجێ و مه‌هركرنێ ده‌ستنیشان كری، ئا ڤه‌گوهاستنا مه‌یتان بوو.
كاروانێ ئه‌ره‌به‌یێن كسینایێ د ناڤه‌ندا باژارێ مۆسكۆ ره ده‌رباس بوو، هنه‌ك قه‌ره‌بالغ ژی ب وێ سه‌ده‌مێ ده‌ركه‌ت هۆلێ، ل سه‌ر پاشیا ئه‌ره‌بێ ژی نڤیساندبوو “تا وێ ده‌ما مرن مه ژ هه‌ڤ د قه‌تینه”.
كه‌سێن كو به‌شداری ئاهه‌نگا زه‌وجینا كسینایێ بوونه و هه‌ر وها ده‌نگده‌رێن وێ، ئه‌ڤ گاڤا وێ عه‌جباندن و داخوازا ژیه‌كێ درێژ ژبۆ وێ خوه‌ستن.
لێ به‌لێ رێڤه‌بری ئا ترافیكێ ئا مۆسكۆیێ، د به‌یانه‌كه نڤیسكی ده دیاركر، ئه‌و وێ پێداچوونه‌كێ ژبۆ ڤیدیۆیێن ده‌رباسبوونا ئه‌ره‌به‌یا مه‌یتان د جاده‌یێن مۆسكۆیێ ده بكه، ژبۆ كو هه‌ر چ رێكاره‌كه پێویست به ل ده‌رهه‌قا كسینایێ ده بكه.
