فه‌رمانداره‌كێ پاسدارێن ئیرانێ، ئه‌شكه‌ره كر كو وه‌لاتێ وی ئاماده‌كاری ئێن جه‌نگه‌گا هه‌ری به‌رفره‌هـ ل ناڤچه‌یێ كرنه.
ئه‌میری ئه‌لی هاجیزاده، فه‌رماندارێ هێزێن ئاسیمانی ئێن پاسدارێن ئیرانێ دبێژه: ل وه‌ختا كو هێزێن وان باله‌فه‌ركه بێ پیلۆت ئا ئه‌مه‌ریكایێ ل ته‌نگئاڤا هورمزێ خستی، ده‌رفه‌ته‌ك ژبۆ ده‌ستپێكرنا جه‌نگێ هه‌بوو، ژ وی ده‌مێ وان هه‌موو ئاماده‌كاری وه‌رگرتنه.
هاجیزاده هه‌ر وەها ئه‌شكره كر، ھەموو پێگه‌هێن له‌شكری ئێن ئەمه‌ریکایێ د سینۆرێ ئامانجێن مۆشەکێن ئیرانێ ده نه.
فه‌رماندارێ پاسداران ئیدئایا وێ یه‌كێ دكه كو پشتی بوویەرا خستنا باله‌فه‌رێ، وان ئاراسته‌یا مۆشه‌كێن خوه دانه پێگه‌هێن ئه‌مه‌ریكایێ ئێن ل قەتەرێ و زەفیرە ل ئیماراتێ و هه‌ر وەها ئه‌ده‌نێ.
هه‌ر وەها دبێژه: مۆشه‌كێن ئیرانێ كارینا ده‌رباس كرنا 2 هزار كیلۆمه‌تران هه‌نه، ته‌ڤی كو ئه‌و شه‌ر ناخوازن، لێ به‌لێ وان ئاماده‌كاری ژی كرنه.
