ل ناڤچه‌یه‌كه باشوورێ ئیتالیایێ، وه‌ختا كو خۆرته‌ك و باڤێ خوه دچن نه‌سیۆنال پاركه‌كه باشوورێ وه‌لات ژ بۆ كۆ نیچیرێ بكن، خۆرتی باڤێ خوه ب شاشیتی كوشت، ئه‌و د فكری وی به‌رازه‌ك كوشتنه.
ل گۆر چاڤكانیێن مه‌دیا ناڤخوه ئا ئیتالیا، وه‌ختا كو “مارتینۆ گاودۆرۆ” ئێ 57 سال دگه‌ل خۆرتێ خوه ئێ 34 سال، ژبۆ مه‌به‌ستا نێچیركرنا هنه‌ك جانداران ده‌ركه‌تن ناسیۆنال پاركا “سێتچیانۆ ئه‌لبۆرنی” ئا نێزی باژارێ سالێریۆن ئێ باشوور، مارتینۆ ب ده‌ست خۆرتێ خوه تێ بریندار كرن.
ئه‌شكه‌ره بوو، وه‌ختا كو مارتینۆ و خۆرتێ خوه ل دارستانا ناسیۆنال پاركێ ل هه‌ڤ ووندا بوون، ل ده‌مه‌كێ ل ناڤا رێلێن دارستانێ ده هه‌ره‌كه‌ته‌ك چێبوو، ل وێ ده‌مێ خۆرتێ مارتینۆی ته‌قه ب چه‌كا خوه كر، ئه‌و د فكری به‌راز سه‌ده‌ما وی هه‌ره‌كه‌تێ بوو، له‌وما وی گولله به‌ردان ریلێ ئانكو وی جی كو هه‌ره‌كه‌ت لێ چێبوو و باڤێ خوه ب توندی بریندار كر.
لێ به‌لێ ژبه‌ركو گولله ب زكێ مارتینۆ كه‌تبوون، وی هه‌ر د زوو ده جانێ خوه ژده‌ستدا.
تێ زانین كو ناسیۆنال پاركا “سێتچیانۆ ئه‌لبۆرنی” ل سالا 2018ان ب فه‌رمانه‌كه هكوومه‌تا ئیتالیا هاتبوو قه‌ده‌خه كرن، پشتی كو خۆرته‌كێ 18 سال ب هه‌مان ئاوایێ مارتینۆی جانێ خوه وندا كری.
ژ ئالیه‌كێ دن رێكخستنا نشتیمانی ئا پاراستنا جانداران ئا ئیتالیا، هكوومه‌تا وه‌لاتێ خوه ره‌خنه دكه كو رێ دده نێچیرا جانداران و دخوازه سزایێ هه‌ری توند د راستا سووجداران ده وه‌ری وه‌رگرتن.
