تركیێ 2 ئه‌ندامێن هه‌ده‌پێ ب سه‌ده‌ما په‌كه‌كێ گرتن

تركیێ 2 ئه‌ندامێن هه‌ده‌پێ ب سه‌ده‌ما په‌كه‌كێ گرتن

هێزێن ئه‌وله‌هیێ ئێن پارێزگه‌هیا ئامه‌دێ ئا باكوورێ كوردستانێ، ئیرۆ 2 ئه‌ندامێن پارتا ده‌مۆكراتیك ئا گه‌لان هه‌ده‌پێ، ب سووچه‌كه‌ په‌كه‌كێ بنچاڤكرنه‌.

ل گۆر به‌یانه‌كه‌ پارێزگه‌هیا ئامه‌دێ، ئیرۆ رۆژا دوشه‌می 30/9/2019 هێزێن ئه‌وله‌هیێ ئێن پارێزگه‌هیێ ئۆپه‌راسیۆنه‌ك ژ بۆی گرتنا هنه‌ك ئالیكارێن پارتا كاركه‌رێن كوردستانێ په‌كه‌كێ ل ناڤه‌ندا ئامه‌دێ ده‌ست پێ كرنه‌.

هات ته‌سبیتكرن، د ئۆپه‌راسیۆنێ ده‌، دو ئه‌ندامێن پارتا ده‌مۆكراتیك ئا گه‌لان هه‌ده‌پێ هاتن گرتن، لێ به‌لێ سووچا یه‌ك ژ وان شاندنا پێویستیێن ساخله‌می ژبۆ په‌كه‌كێ بوو.

سه‌ردۆزگه‌ریا گشتی ئا ئامه‌دێ، هه‌ر راست فه‌رمانا بنچاڤكرنا وان ده‌ركر و ژبۆ له‌كۆلینێ مدووریه‌تا هێزێن ئه‌وله‌هیێ خه‌باتا خوه‌ مه‌شاندن.

هكوومه‌تا تركیێ ژ سالا 2016ان ده‌ ئۆپه‌راسیۆنێن خوه‌ ژبۆ ده‌سته‌سه‌ركرن و زیندان كرنا ئه‌ندامێن هه‌ده‌پێ د دۆمینه‌، سووچا ته‌ڤی ئه‌ندامێن هه‌ده‌پێ ئێن كو ده‌ست ب سه‌ر بوونه‌، ئالیكاری و ئه‌ندامێتی ئا په‌كه‌كێ یه‌، ل پێشیا وان سه‌لاهه‌ددین ده‌میرتاش، هه‌ڤسه‌رۆكێ به‌رێ ئێ هه‌ده‌پێ.

پوستێن ھەمان بەش