رۆژنامه‌یا نیۆیۆرك تایمز ئه‌شكه‌ره كریه، سه‌ر وه‌زیرێ لبنانێ نێزی 16 ملیۆن دۆلارێن ئه‌مه‌ریكی دایینه كه‌چه‌كه مۆدێلز كو تێ گۆتن په‌یوه‌ندییه‌ك د نێڤبه‌را وان ده هه‌یه.
وه‌كه رۆژنامه‌یا نیۆیۆك تایمزێ به‌لاڤ كری، سه‌ئه‌د هه‌ریری ئێ سه‌ر وه‌زیرێ لبنانێ، 16 ملیۆن دۆلار ژ بانكه‌كه و‌لاتێ خوه ڤه‌گوهاستنه سه‌ر هه‌سابا بانكی ئا كه‌چه‌كا باشوورێ ئه‌فریكایێ، كارێ وێ كه‌چێ مۆدێلز و رێكلام كرنا جلێن مه‌له‌كرنێ ئێن ژنانه.
هه‌ر وها خوه‌یا كر، هه‌ریری ب وێ هه‌نگاڤا خوه تو شاشێتیه‌ك نه‌كریه، ژ به‌ر كو وه‌ختا وی ئه‌و دراڤێ مه‌زن ژبۆ وی كه‌چێ ڤه‌گوهاستن، ئه‌و ل تو پۆسته‌كێ وه‌زیفه‌دار نه‌بوو، لێ به‌لێ نیۆیۆرك تایمزێ ته‌كه‌ز كریه كو په‌یوه‌ندییه‌كه ئه‌ڤینی د نێڤبه‌را وان ده هه‌بوو.
كه‌چا كو هه‌ریری ل سالا 2013ان دراڤ ب قاسی 16 ملیۆن دۆلاران ژ بۆ شاندین، كاندیس فان دیر میرۆی یه كو ژیێ وێ ل وێ سالا 20 سال بوون.
وێ كه‌چێ بۆ مه‌دیا وها ئاخڤی بوو: ئه‌ڤ پارێ كو هه‌ریری ژ بۆ وێ شاندی، خه‌لاته‌كه و ل گۆر یاسایێن باشوورێ ئه‌فریكایێ تو باجه‌ك ل سه‌ر نایێ سه‌پاندن.
