جه‌نگه‌كه‌ ته‌كئالی وێ ل ناڤچه‌یێ روو بده‌

ئه‌بدولمه‌هدی: جه‌نگه‌ ته‌كئالی وێ ل ناڤچه‌یێ روو بده‌

سه‌ر وه‌زیرێ ئیراقێ، ئیرۆ ئیسرائیل ب ئێریشا سه‌ر پێگه‌هێن یه‌كینه‌یێن هه‌شدا مللی سووچبار كر، لێ به‌لێ به‌هسا چ پێرابوون و به‌رسڤدایینه‌كێ نه‌كر، هه‌موه‌خت و د مژارا ئالۆزیا ئه‌مه‌ریكا و ئیرانێ ده‌، گۆت: ده‌رفه‌ت هه‌یه‌ جه‌نگه‌كه‌ ته‌كئالی ل ناڤچه‌یێ ده‌ركه‌ڤه‌ هۆلێ.

ئادل ئه‌بدولمه‌هدی ئێ سه‌ر وه‌زیرێ ئیراقا فه‌ده‌رال ژبۆ كه‌نالا جه‌زیره‌یێ داخویانی دان و وها ئاخڤی: ئیسرائیلێ ئێریشا سه‌ر پێگه‌ه و ناڤه‌ندێن یه‌كینه‌یێن هه‌شدا مللی كرنه‌ ئامانج، له‌كۆلینان ئه‌ڤ یه‌ك پشتراتكرنه‌.

د مژارا پرسگرێكا كه‌نداڤێ و ئالۆزیا نێڤبه‌را ئه‌مه‌ریكا و ئیرانێ ده‌، سه‌ر وه‌زیرێ ئیراقێ دبێژه‌: ده‌رفه‌ت هه‌یه‌ جه‌نگه‌كه‌ ته‌كئالی ل ناڤچه‌یێ سه‌ری هلبده‌، ل ناڤچه‌یێ تو ولاته‌ك شه‌ر ناخوازه‌، ته‌نێ ئیسرائیل نه‌به‌.

ئه‌بدولمه‌هدی هه‌ر وها هات سه‌ر مژارا ئیران و سئوودیێ ژی و گۆت: وان د سه‌ردانا خوه‌ ئا سئوودیێ ده‌ رایه‌دارێن ریازێ پشتراست كرنه‌ كو ئه‌و رێنادن خاكا ئیراقێ ژبۆ چ ئێریشه‌كێ وه‌ره‌ بكارئانین، ئیران و سئوودی ئاماده‌نه‌ نیقاشێ ده‌ست پێ بكن، لێ به‌لێ هینا نها ده‌رفه‌تا وێ یه‌كێ چێنه‌بوویه‌.

سه‌ر وه‌زیرێ ئیراقێ ل هه‌فتیا بووری سه‌ردانا ئه‌ره‌بستانا سئوودیێ كر و ئاماده‌یا ئیراقێ ژبۆ ناڤگینیێ ل ناڤبه‌را ریازێ و ته‌هرانێ ده‌ نیشان دا.

پوستێن ھەمان بەش

گولان گارزان ئەو ژنا ب نهێنیێن خوە ڤە ھاتە بن ئاخکرن

گولان گارزان ئەو ژنا ب نهێنیێن خوە ڤە ھاتە بن ئاخکرن