تركی وێ جه‌نگێ ل پایز و زستانێ لسه‌ر په‌كه‌كێ بدۆمینه‌

تركی وێ جه‌نگێ ل پایز و زستانێ لسه‌ر په‌كه‌كێ بدۆمینه‌

هكوومه‌تا تركیێ ئیرۆ ده‌ستپێكرنا قۆناخه‌كه‌ نوو ژ جه‌نگا دژی په‌كه‌كێ راگهاند و ئه‌شكه‌ره‌ كر، ئۆپه‌راسیۆنێن ده‌رڤه‌ی ولات وێ ده‌وام بكن.

ده‌وام كرنا جه‌نگا ل دژی پارتا كاركه‌رێن كوردستانێ و هه‌ر وها ئالیگرێن ته‌ڤگه‌را خزمه‌ت ئا فه‌تهوللا گوله‌ن و بله‌زخستنا هه‌نگاڤێن له‌شكری ئێن ژ بۆ درستكرنا هه‌رێما ئه‌وله‌هیێ ل باكوورێ سووریێ، هنه‌ك بریارێن گرینگ ئێن جڤینا ئه‌نجوومه‌نا ئه‌وله‌هیا تركیێ بوو.

ئیرۆ رۆژا سێشه‌می 1/10/2019 سوله‌یمان سویلۆ، وه‌زیرێ كارێن هوندر ئێ تركیێ هنه‌كی زه‌لالی لسه‌ر ئه‌نجاما جڤینا ئه‌نجوومه‌نا ئه‌وله‌هیێ دان و وها ئاخڤی: ئۆپه‌راسیۆنا ده‌رڤه‌ی ولات وێ بدۆمه، ئه‌و ژ جه‌نگا دژی په‌كه‌كێ پاشده‌ نا چن، ژ بۆ ڤێ پشتی ب داوی بوونا ئۆپه‌راسیۆنا وه‌رزێ هاڤینێ، ئه‌مێ ده‌ست ب جه‌نگا پایز و زستانێ بكن.‌

سویلۆ د به‌یانه‌كه‌ نڤیسكی ده‌، هنه‌ك ئامار ئه‌شكه‌ره‌ كرنه‌ كو د وه‌رزێ هاڤێنێ ده‌، ئارته‌شا تركیێ پێتری 12 هزار ئۆپه‌راسیۆن ل ناڤا تركیێ و ده‌رڤه‌ كرنه‌، لێ به‌لێ زرارێن جانی ئێ په‌كه‌كێ نه‌ ئانین زمان.

پوستێن ھەمان بەش