عه‌بدولمه‌هدی رجایێ ژ شێخ عه‌شیران دكه‌ خوه‌نیشاندانێ راگرن

عه‌بدولمه‌هدی رجایێ ژ شێخ عه‌شیران دكه‌ خوه‌نیشاندانێ راگرن

هه‌یاما 3 رۆژانه‌ خوه‌نیشاندانێن ئاگرین ل به‌غدایێ و چه‌ند پارێزگه‌هێن دن ئێن ئیراقێ تێن كرن، سه‌رۆكێ حكوومه‌تا ئیراقا فه‌ده‌رال هه‌ر چ رێككه هه‌یه‌‌ بكارئینا ژبۆ كو خوه‌نیشاندان نه‌مینن، داوی هه‌ول رجا و هێڤیكرن ژ سه‌رۆك هۆز و شێخێن عه‌شیرانه‌.

خوه‌نیشاندانا ئیراقێ ئیرۆ رۆژا پێنجشه‌مب ل ناڤه‌ندا به‌غدایێ و هنه‌ك باژێرێن دن ده‌ركه‌تن، په‌ڤچوونا گه‌لێ ل دژی حكوومه‌تێ ده‌ركه‌تی جادێ و هێزێن ئه‌وله‌هیێ جار دن چێبوو، ئه‌نجام كوشتنا 4 خوه‌نیشانده‌ران و بریندار كرنا هنه‌كێن دی یه‌.
چاڤكانیه‌كه‌ تایبه‌ت ل به‌غدایێ ئیرۆ ئه‌شكه‌ره‌ كر كو عادل عه‌بدولمه‌هدی سه‌رۆكێ حكوومه‌تا ئیراقا فه‌ده‌رال، ژ بۆ كو خوه‌نیشاندان نه‌مینیت و بهێت سنۆردار كرن، قه‌ستا سه‌رۆك هۆز و شێخ عه‌شیرێن عه‌ره‌بێن به‌غدایێ كریه‌ و ئه‌ڤ رجا و هێڤی دانایه‌ به‌ر سینگا وان.
هه‌روها ئاماژه‌ دا كو سه‌رۆكێن هۆزێن به‌غدایێ و شێخێن وان ئه‌ڤ داخوازیا سه‌رۆكێ حكوومه‌تێ ره‌فز كرنه‌ و چ هێڤیه‌ك نه‌دانه‌ ده‌ست عادل عه‌بدولمه‌هدی.

د وان ده‌مان ده‌، خوه‌نیشانده‌را ژ دوهـ هه‌ولا چوونا ناڤا ناڤچه‌یا كه‌ڤنارا پارێزگه‌ها نه‌جه‌فێ دكه‌ن، لێ هێزێن ئه‌وله‌هیێ ته‌قه‌ كر و ئه‌و رێ ل وان گرتن، ناڤچه‌یا كه‌ڤنارا نه‌جه‌فێ مالێن هه‌ر چار مه‌رجه‌عێن شیعی تێدانه‌ و خوه‌نیشانده‌را دخوه‌ست هه‌ڤدیتنا وان بكه‌ن.
چوونا عادل عه‌بدولمه‌هدی بۆ جه‌م شێخێن عه‌شیرێن به‌غدایێ، د سه‌لمینه‌ كو مه‌ترسییا هلوه‌شانا حكوومه‌تێ گهایه‌ ئاستا هه‌ری به‌رز.