6 فیل فرین

6 فيل فرين

ل نه‌شنال پاركه‌كه‌ ولاتێ تایله‌ندێ، 6 فیل د سوولاڤه‌كێ ده‌ فرین و هه‌ر راست جانێ خوه‌ ژده‌ستدان.

ئیرۆ رۆژا شه‌مبی 5/10/2019، ل نه‌شنال پاركا خاو كو دكه‌ڤه‌ هه‌رێما ناخوون راچسیما یا رۆژهلاتی تایله‌ندێ، 6 ئاژه‌لێن فیلان د سوولاڤا هایۆ نارۆك ده‌ فرین و هه‌ر راست جانێ خوه‌ ژده‌ستدان.

زێره‌ڤان و كاربده‌ستێن نه‌شنال پاركا خاو ئه‌شكه‌ره‌ كر كو فیلێن كو د سوولاڤێ ده‌ فرینه‌، د ته‌مه‌نا 3 سالیێ ده‌ بوون، پشتی بوویه‌را كه‌تنا وان، ئاڤا سوولاڤێ هات په‌نگاندن.

فاراوات سیلبا، وه‌زیرێ سامانێن نه‌ته‌وه‌یی یێ تایله‌ندێ د ده‌ربارا بوویه‌را كه‌تنا فیلان ده‌، گۆت: “ئه‌و بوويه‌ره‌كه‌ ده‌گمه‌ن بوو، كێم جاران تشته‌كی وها چێدبه”‌.

تێ زانین نێزی 300 ئاژه‌لێن فیلان د نه‌شنال پاركا خاو ده‌ هه‌نه‌، رووبه‌را وێ نه‌شنال پاركێ دگه‌هه‌ 2 هزار كیلۆمه‌ترین چارگۆشه‌، داراستان و ناڤچه‌یێن چاندی تێده‌ نه‌ و هه‌ژماره‌كه‌ زۆر یا ئاژه‌لێن مینا فیلان، مه‌یموون و هرچان تێدا ژیانێ دكن، هه‌ر وها ب یه‌ك ژ هێمایێن تۆریزمێ ل تایله‌ندێ تێ هه‌ژمارتن.