رژیما ئه‌سه‌د زارۆ ل سینۆرێ ئدلبێ كوشتن

رژیما ئه‌سه‌د زارۆ ل سینۆرێ ئدلبێ كوشتن

زارۆیه‌كه‌ سووری ئیرۆ د ئێریشه‌كا ئاسمانی یا رژیما به‌شار ئه‌سه‌دی ده،‌ ل گونده‌وارێ لازقیێ جانێ خوه‌ ژ ده‌ستدا، وه‌ختا رۆكێته‌كه‌ ب مالا وان كه‌تی.

ژ سه‌رێ سبێ یا ئیرۆ رۆژا یه‌كشه‌می 6/10/2019ان، تۆپخانێن ئارته‌شا رژیما سووریێ ب رۆكێتان ئێریشی گوندێن شێخ مسته‌فا و كه‌فر عوێد ئێن سینۆرێ ئدلبێ كر، هه‌موه‌خت ئێریش ل گوندێن بكسریه‌ و به‌دریه‌ ئێن سینۆرێ لازقیێ هاتنه‌ كرن.

ئه‌ڤ ئێریشا رژیما به‌شار ئه‌سه‌د، ل وان ناڤچه‌یان تێن كرن كو ب بێ شه‌ر ل باكوورێ رۆژئاڤا سووریێ هاتنه‌ ناساندن.

چاڤكانیێن به‌ره‌ڤانیا شارستانی ئه‌شكه‌ره‌ كرنه‌ كو د ئێریشان ده‌ زارۆیه‌كه‌ سووریێ ل گوندێ به‌دریه‌ ئێ لازقیێ جانێ خوه‌ ژ ده‌ستدا كو رۆكێته‌ك ب مالا وی كه‌تیه‌.

هه‌موه‌ختا ئێریشا رژیما ئه‌سه‌د، باله‌فرێن جه‌نگی ئێن رووسیا فه‌ده‌رال، ئێریشێن ئاسیمانی پێكئانین و گونده‌وارێ حه‌له‌بێ بۆردۆمان كر.

ل مه‌ها گولانا سالا 2017ان ولاتێن تركیێ، رووسیا فه‌ده‌رال و ئیران ل سه‌ر هه‌رێما كێمكرنا شه‌ر ل ئدلبێ لهه‌ڤ كرن، وه‌ختا كو كۆنگره‌یا ئاستانیێ هاتی ئه‌نجام دایین، لێ به‌لێ رژیما سووریێ ئێریشێن خوه‌ ل وان ناڤچه‌یان به‌رده‌وام دكه‌.