ئێریشا سه‌ر رۆژئاڤا كوردستانێ ده‌ستپێكر

ئه‌ردۆگان ده‌ستپێكرنا ئێریشا سه‌ر رۆژئاڤا كوردستانێ راگهاند

ئۆپه‌راسیۆنا داگیركاری ئا تركیێ و میلیشیایێن وێ ل سه‌ر رۆژئاڤا كوردستانێ ب به‌هانه‌یا ئاڤاكرنا هه‌رێما ئه‌وله‌هیێ ده‌ستپێكر، هه‌رۆ ئیرۆ باله‌فران ناڤچه‌یێن سه‌رێ كانیێ و ئه‌ین ئیسا ئامانج كرنه‌.

سه‌رۆك كۆمارێ تركیێ ره‌جه‌ب ته‌یب ئه‌رۆدگان ئێڤارا ئیرۆ رۆژا چارشه‌می ده‌ستپێكرنا ئۆپه‌راسیۆنا سه‌ر رۆژهلاتا فراتێ ژ بۆ ئاڤاكرنا هه‌رێما ئه‌وله‌هیێ راگهاند، ئه‌ردۆگان ناڤێ كانیا ئاشێتیێ ل ئۆپه‌راسیۆنێ كریه‌.

باله‌فرێن جه‌نگی ئێن تركیێ و تۆپخانێن ئارته‌شا ئازاد كو تركیێ پشتگریێ لێ دكه‌، گوندێن مشرافه‌ و سه‌فین ئێن رۆژئاڤا باژاركێ سه‌رێ كانیێ ئێ هه‌رێما جزیرێ ئا رۆژئاڤا كوردستانێ بۆردۆمان كرن.

ئارته‌شا تركیێ ب هێزێن خوه‌ ئێن به‌ژاهی و ئاسیمانی و هه‌رو ها چه‌ته‌یێن تركیێ ئێن ب ناڤێ ئارته‌شا ئازاد ئا سووریێ، ئێریشا سه‌ر رۆژئاڤا كوردستانێ ده‌ستپێكرنه‌.

هێزێن سووریا ده‌مۆكراتیك هه‌سه‌ده‌ هه‌موه‌ختا ده‌ستپێبوونا ئێریشێ بانگ ل ئه‌مه‌ریكا و جڤاكا ناڤنه‌ته‌وه‌ئی كرنه‌ رێ ل داگیركاریا ئه‌ردۆگان ل باكوورێ سووریێ بگرن.

پوستێن ھەمان بەش