گه‌ر ل سه‌ر ده‌ما ته‌كۆشینا چیا بایه‌ گرۆپا ئیخانه‌تێ وێ هاتبا گوللـه‌ باران كرن

گه‌ر ل سه‌ر ده‌ما ته‌كۆشینا چیا بایه‌ گرۆپا ئیخانه‌تێ وێ هاتبا گوللـه‌ باران كرن

شێخ جه‌ئفه‌ر شێخ مسته‌فا، ل ده‌ربارا ئیخانه‌تا 16ێ ئۆكتۆبه‌را سالا 2017ان دبێژه‌: (گه‌ر وه‌ختا ته‌كۆشینا چیا بایه‌، گرۆپا ئیخانه‌تێ وێ هه‌ر هه‌موو هاتبا گوللـه‌ باران كرن).

ئه‌ندامێ پۆلیتبیرۆ ئا یه‌كیتیا نشتیمانی ئا كوردستانێ، شێخ جه‌ئفه‌ر شێخ مسته‌فا كو هه‌موه‌خت فه‌رماندارێ یه‌كه‌یا 70 ئا هێزێن پێشمه‌رگێ كوردستانێ یه‌، ل ده‌ربارا ئیخانه‌تا 16ێ ئۆكتۆبه‌رێ ئا سالا 2017ان كو ب سه‌ده‌ما وێ 51% خاكا كوردستانێ ژ ده‌ست چوو دبێژه‌: (گه‌ر ئه‌ڤ ئیخانه‌ت ل سه‌رده‌ما ته‌كۆشینا چیا بایه‌، وێ ئه‌ڤ گرۆپ هاتبا گوللـه‌ باران كرن).

شێخ جه‌ئفه‌ر ئه‌ڤ گۆتن د هه‌ڤدیتنه‌كه‌ خوه‌ ئا رادیۆ یا ده‌نگێ ئه‌مه‌ریكایێ ده‌ ل 27/12/2017ان كرنه‌ وه‌ختا كو پێله‌كه‌ خوه‌نیشاندانان ل سلێمانیێ چێبوون.

خائینان دخوه‌ست هه‌ولێر، دهۆك و سلێمانیێ ژی بدن دژمن

شێخ جه‌ئفه‌ر دبێژه‌: (گرۆپه‌كه‌ یه‌كێتیێ هه‌ماهه‌نگی  و لهه‌ڤهاتن ل گه‌ل هكوومه‌تا ئیراقێ و هه‌شدا شه‌ئبی كرنه‌، وه‌كه‌ چاوا وان كه‌ركووك راده‌ستكر، ب هه‌ما ئاوایی د خوه‌ستن ب رێیا درستكرنا فه‌وزایێ، سلێمانی، هه‌ولێر و دهۆكێ راده‌ست بكن).

شێخ جه‌ئفه‌ر ئه‌ڤ گرۆپ ب گرۆپا 16ێ ئۆكتۆبه‌رێ ناساند و گۆت: (گه‌ر ئه‌ڤ كار و ئیخانه‌ت ل سه‌رده‌ما چیا بایه‌، وێ هاتبانه‌ گوللـه‌باران كرن، ته‌كه‌ز ژی دكه‌ كو هه‌ر هه‌مان گرۆپه‌ كو ده‌ست ل خوه‌نیشاندانێن سلێمانیێ و ده‌ردوورا وێ ده‌ هه‌بوونه)‌.

شێخ جه‌ئفه‌ر دبێژه‌: (به‌شه‌كا سه‌ركردایه‌تی ئا یه‌كیتیا نیشتیمانی ئاراسته‌یه‌كه‌ وها هه‌یه‌ كو هنه‌ك ولاتێن هه‌رێمی ل پشتن، دخوه‌ستن ئیخانه‌تا 16ێ ئۆكتۆبه‌رێ دوباره‌ بكن و باژارێن دن ئێن كوردستانێ ب رێیا چێكرنا خوه‌نیشاندانان بده‌نه‌ ده‌ست ئیراقێ و هه‌شدا شه‌ئبی).

شێخ جه‌ئفه‌ر دبێژه‌: گه‌ر رۆژه‌ك بهێ و ره‌وشا كوردستانێ ئاسایی ببه‌ و دادگه‌هه‌كه‌ نیشتیمانی وه‌ره‌ ئاڤاكرن، دڤێ كانێ ل دنیایێ سزایێ خائینان چ به‌، ئه‌و سزا ب سه‌ر گرۆپا 16ێ ئۆكتۆبه‌رێ وه‌ره‌ سه‌پاندن، ژ به‌ر كو گه‌ر ل سه‌رده‌ما ته‌كۆشینا چیا بایه‌ و ئه‌وان هه‌ماهه‌نگی ل گه‌ل هكوومه‌تا ئیراقێ كربا، یان گه‌ر مام جه‌لال ژی مابا، وێ هه‌ر هه‌موو هاتبان ئیدام كرن).

ئه‌ڤ ژی به‌لگه‌ و ته‌كستا وێ هه‌ڤدیتنا شێخ جه‌ئفه‌ره‌ ب ده‌نگێ ئه‌مه‌ریكایێ ره‌: