زارۆیه‌ك 2 رۆژان د تربا خوه‌ ده‌ زیندی د مینه‌

زارۆیه‌ك 2 رۆژان د تربا خوه‌ ده‌ زیندی د مینه‌

زارۆیەکە که‌چ یا هەفت مه‌هی پشتی بۆ دەما دو رۆژان د ناڤا تربا خوە دا هاتی بنئاخ كرن ب ئاوایه‌كه‌ موجیزە زیندی دمینه‌.

تێهزرینا شاش ئا حەز کرن ژ زارۆیێن کۆڕ پێتر ژ زارۆیێن که‌چ، هێژان ل هنەک ناڤچەیێن جیهانێ دە هەیە. هندستان یەک ژ وان ولاتانە کو ئەڤ یەک ب زەلالی تێده‌ دیار دبە.

ڤەشارتنا زارۆیێن که‌چ ب زیندی د تربێ دە هه‌یا كو بمرن، ژ وان رەفتارێن هه‌ری به‌ربه‌لاڤه‌ کو ل ویلایەتێن باکوورا هندستانێ وەکە ئەوتار پرادش و بیهار تێ ئەنجامدایین.

ل رۆژا دەرباس بوویی ژی زارۆیەکە که‌چ کو ئەو بو دەما دو رۆژان بوو د تربەکێ دە هاتبوو بن ئاخ کرن ب ئاوایه‌ك موجیزە تێ رزگار کرن.

پاش رزگارکرنا ڤێ زارۆیێ نۆشدارێن ب کارێ تیمارکرنا وێ رابووی راگهاند کو ئەڤ زارۆ بەر ژ وەختا خوە هاتیە سەر دنیایێ و دو رۆژان د تربێ دە مایە.

ب گۆتنا وان سەنگا ڤێ زارۆیێ ب تەنێ 1 کیلۆ و 10 گرامە و ژ ئەگەرا ئێلتیهابا سیهان د نەخوەشخانێ دە ل ژێر نه‌رینا نۆشداران دە یە.

هیتش کۆمار، سەرلەشکرێ دەڤەرێ نها بوویە باڤێ ڤێ زارۆیێ.

ئەو ل دەما سەرەدانا تربا کەچا خوە کو بەرا دەمەکە کێم ئەو ژ دەست دایە، دەنگێ ڤێ زارۆیێ بهیستیە و ب وێ یەکێ هەیری مایە.

کۆمار سەبارەت ڤێ یەکێ گۆت: ل دەسپێکێ ئەز وها فکریم کو دبە ئەڤ دەنگ ئێ کەچا من بە کو ساخ بوویە، لێ بەلێ دەنگێ زارۆیێ ژ تربەکە دن دهات، پاش کو من ئەو ترب کو نە پر دوور بۆ هەلکۆلای من دیت کو ئەڤ کەچە تێدەیە.

پاش زارۆ هات ڤه‌گوهاستن بۆ چاره‌سه‌ركرنێ ل نەخوه‌شخانێ.

کۆمار دیسان دبیژە: پزیشکان ب من رە راگهاندیە کو ژبەرکو زارۆ بەر وەخت ژ دایک بویە، هەوجەئیا وێ ب ئۆکسیجنێ کێمتر بوویە، ژبەر ڤێ یەکی زیندی مایە د تربێ خوە دە. زیندی مان پاش 48 دەمژمێران د تربی دە وەکە مووعجیزەیەک تێ دیتن.

ئەڤ کەچە ب سیتا هات ناڤکرن ژ ئالیێ باڤێ وێ ئێ نوو، سیتا ناڤێ یەک ژ خوەداوەندێن پیرۆز ئێن هندوستانێ یە.

ب گۆتنا پزیشکان رەوشا سیتایێ باشە و هەر دو دەمژمێران جارەک شیر دخوە، لێ بەلێ هێژان سیهێن وێ زووخاڤ تێدەیە.