د ده‌ركه‌تنه‌كه ده‌گمه‌ن ده، سه‌رۆكێ كۆریایا باكوور كو ب دیكتاتۆرێ گه‌نج تێ ناسكرن، ل هه‌سپه‌كێ سپی سوار دبه و ب سه‌ر چیایه‌كه به‌رفین ده هه‌لبوو.
ئاژانسا نووچه‌یێن كۆریا باكوور هنه‌ك دیمه‌نێن سه‌رۆك كیم جۆنگ ئۆن وه‌شاندنه و تێده خوه‌یا دبه كو كیم جۆنگ ئۆن ل هه‌سپه‌كێ سپی سوار و ل بنارا چیایه‌كه به‌رفینه.
ئاژانسا كۆریایێ وها نڤیساندیه: ئه‌ڤ گه‌شتا كیم جۆنگ ئۆن ل سه‌ر هه‌سپی ب هه‌لكه‌فتنا ده‌ستپێكرنا وه‌رزێ به‌رفێ یه كو یه‌كه‌مین به‌رفا ده‌م سالێ ل چیایێ باكیتۆ كه‌تیه.
په‌یڤا باكیتۆ د زمانێ كۆریایێ ده ب رامانا چیایێن بلند و سپی تێ، گه‌لێ كۆریا باكوور رێزه‌كه هه‌ر زێده ژ بۆ چیایێ سپی هه‌یه و ئه‌ڤ یه‌ك د چاندا وان ده ته‌سبیت كریه.
مه‌دیا جیهانێ ل سه‌ر وێنه‌یێ كیم جۆنگ ئۆن نڤیساندنه كو ئه‌و هه‌ول د ده وه‌كه سه‌رۆكێ رووسیا فه‌ده‌رال ره‌فتارێ بكه، وه‌ختا كو فلادیمێر پۆتین د هنه‌ك دیمه‌نان ده ل سه‌ر هه‌سپه‌كێ گه‌ور ده‌ركه‌تی.
