ئێریشا داگیركاریا تركیێ ل سه‌ر رۆژئاڤا كوردستانێ ده‌وام دكه، ل ته‌ڤ ئه‌نییان هێزێن سووریایا ده‌مۆكراتیك (هه‌سه‌ده) پێشڤه‌چوونێن ئارته‌شا تركیێ و میلیشایێن وێ تێكشكاندنه و زرارێن جانی پێ خستنه.
ئیرۆ رۆژا 9 ئا ئێریشا داگیركاریا تركیێ یه ل سه‌ر رۆژئاڤا كوردستانێ، شه‌ر و په‌ڤچوون ل ته‌ڤ ئه‌نیان ده‌ركه‌تن، هێزێن سووریایا ده‌مۆكراتیك ژ سه‌رێ سبێ كارینه ئێریش و پێشڤه‌چوونێن ئارته‌شا تركیێ و میلیشیایێن وێ تێك بشكێنن، زرارێن جانی ئێن داگیركاران هه‌نه.
ل ئه‌نیا سه‌رێ كانیێ دوهـ شه‌ڤێ ئارته‌شا تركیێ و چه‌كدارێن ئۆپۆزسیۆنا سووریێ یێن ئارته‌شا ئازاد ئێریشه‌كه هه‌ڤده‌می پێك ئانین، لێ به‌لێ هه‌سه‌دێ ئێریش پاشده بر و رێ ل پێشڤه‌هاتنا وان گرتنه، چاڤكانی د دن خوه‌یا كرن كو زرارێن جانی یێن مه‌زن ب ئارته‌شا داگیركاریێ كه‌تنه و هه‌ژماره‌كه هه‌ری زێده یا چه‌كدارێن ئارته‌شا ئازاد یا سووریێ هاتنه كوشتن و به‌رته‌ره‌ف كرن.
هه‌سه‌دێ ئه‌شكه‌ره كر، د په‌ڤچوونێن شه‌ڤێ دن یێن ئه‌نیا سه‌رێ كانیێ ده، هه‌ژماره‌كه شه‌رڤانێن وان شه‌هید كه‌تنه.
هه‌موه‌ختا ئێریشا په‌ژاهیێ، ئارته‌شا داگیركاریێ ب باله‌فرێن جه‌نگی بۆمب بارانا گونده‌وارێ سه‌رێ كانیێ، تل ته‌مرێ كرنه، هه‌موه‌خت ل ئه‌نیا گرێ سپی هه‌سه‌دێ 7 چه‌كدارێن ئۆپۆزسیۆنێ كوشتنه.
