رێڤه‌به‌ریا خوه‌سه‌ر داخوازا كۆریدۆره‌كێ دكه‌

رێڤه‌به‌ریا خوه‌سه‌ر داخوازا كۆریدۆره‌كێ دكه‌

رێڤه‌به‌ریا خوه‌سه‌ر ئا باكوورێ سووریێ، ئیرۆ بانگ ل جڤاكا ناڤنه‌ته‌وئی كر، كۆریدۆره‌كه‌ ئێمن ژ بۆ سه‌رێ كانیێ وه‌ره‌ ئاڤا كرن.

رێڤه‌به‌ریا خوه‌سه‌ر ئا باكووریێ سووریێ، ئیرۆ رۆژا پێنجشه‌می 17/10/2019ان، د به‌یانه‌كه‌ نڤیسكی ده‌ بانگ ل جڤاكا ناڤنه‌ته‌وه‌ئی كر، كۆریدۆره‌كه‌ ئێمن ژ بۆ ده‌ركه‌تنا هه‌مولاتیێن سڤیل ئێن باژارێ سه‌رێ كانیێ وه‌ره‌ ئاڤا كرن كو د شه‌ر ده‌ بریندار كه‌تنه‌.

ئه‌شكه‌ره‌ كر، گه‌لێ سڤیل ئێ سه‌رێ كانیێ، ب سه‌ده‌ما ئێریشا داگیركاریا تركیێ د سه‌رێ كانیێ ده‌ دۆرپێچ بوونه‌.

رێڤه‌به‌ریا خوه‌سه‌ر له‌وما بانگ ل هه‌ڤپه‌یمانیا ناڤنه‌ته‌وه‌ئی ئا دژی دائیشی كر كو ئه‌مریكا سه‌رۆكتیا وێ دكه‌، هه‌ر وها رووسیا فیدرال كر، كۆریدۆره‌كه‌ ئێمن ژ بۆ ده‌ركه‌تنا بریندارێن شه‌ر ئێن سڤیل ل سه‌ر كانیێ،  ئاڤا بكن.

ژ دوهـ شه‌ڤێ، شه‌ره‌كه‌ دژوار ل ده‌ردوورا سه‌رێ كانیێ تێ كرن، ئارته‌شا تركیێ و میلیشیایێن وێ ئێن ئارته‌شا ئازاد ئا سووریێ ژ هه‌موو ئه‌نیان، باژاركێ سه‌رێ كانیێ دۆرپێچ كرنه‌.