داستانا «ها گولا تەمە» رومه‌تا هه‌رێما باشووری پاراست

داستانا"ها گولا تەمە" رومه‌تا هه‌رێما باشووری پاراست

ده‌رسا كو ل پردێ پێشمه‌رگه‌هان نیشانی خائینان دای خه‌یالا وان تونه‌ كر

پاش ئیخانەتا ١٦ێ ئۆکتۆبەرا سالا 2017ان کو ژ ئالیێ گرۆپەکە خائین د ناڤ یەکیتیێ دە هات ئەنجام دایین و پشترە ئەڤ گرۆپ ژ ئالیێ هەر یەک ژ کوسرەت رەسۆل عەلی جێهگرێ یەکێ ئێ سه‌کره‌تەرێ گشتی یێ یەکیتی و شێخ جەعفەر بەرپرسێ یەکەیێن 70یان ب گرۆپێ (کالفامان) هات ناساندن، بەشەکە هەری مەزن ژ خاکا کوردستانێ کەت بن رەحما پۆستالێن حەشدا شەعبی و سپایێ پاسدارێن ئیرانی، نیازا سەرەکە ئا ڤێ ئیخانەتێ و ڤێ ئێریشێ ب زەلالی دەرکەت هولێ.

گرۆپا خائینان ژناڤبرنا ستاتۆیا هه‌رێما باشوور د خوه‌ست

یا راست گرۆپێ (کالفامان) دگەل حەشدا شەعبی و قاسمێ سولەیمانی یێ فه‌رماندارێ فەیلەقا قودس ئا سپایێ پاسدارێن ئیرانێ نە ب تەنێ ل سەر كه‌ركووكێ بەلکو ل سەر هەموو هەرێما کوردستانێ لهەڤهاتن کربوو، ئەڤ یەک ژی ب زەلالی ل رۆژا 20/10/2017ان  ئه‌شکەرە بوو وه‌ختا ڤان هێزان ب چاڤساغیا خائینان ژ ئالیێ باژارۆکێ پردێ خوه‌ستین ب بەهانەیا سەپاندنا یاسایێ ئێرشی سەر پایتەختا هەرێما باشوورێ کوردستانێ بکن و ستاتۆیا باشوور ب تەمامی ژناڤ ببن، لێ بەلێ پێشمەرگەهێن کوردستانێ ل ڤر دەرسەک وها ب خائین و دژمنان نیشان دا کو ئەو ب توندی پاشدە برن و ئەڤ خەیالا وان تونە کر.

ل رۆژا 20/10/2017ان ب گوللـه‌ تۆپه‌كێ کو سپایێ پاسداران تەقاند، شەرێ پردێ دەست پێ کر، لێ ئەڤ شەر ب تێکشکاندنا تانکا (ئابرامز ئێم وەن) ئا ئەمه‌ریکی کو یەکە ژ بهێزترین و پێشکەتی ترین تانکێن سەربازی یێن جیهانی و کوشتنا سەدان لەشکەرێن دژمن و ژناڤبرنا دەهان وەسائیتێن سەربازی وەکە (هامەر و باجەر) یێن سپایێ داگیرکار ب داوی هات.

داستانا"ها گولا تەمە" رومه‌تا هه‌رێما باشووری پاراست

ل گور زانیاریێن دارکا مازی د ڤی شەری دە هێزەکە خائینان کو سەر ب (لاهۆر شێخ جەنگی) و هێزەکە مەلبەندێ یه‌كیتیا نشتیمانی ئالیکاریا داگیرکاران دکر و زانیاری ل سەر ئه‌نیێن پێشمەرگە ب دژمنان د دا و ئەڤ یەک بۆ سەدەما شەهیدکەتنا دەهان پێشمەرگەهان د ڤی شەری دە، هەروها وەکە هەرجار هنەک ژ مەدیایێن سەر ب ڤێ گرۆپا (کالفام) و بەشەک ژ مەدیایێن کو ل ژێر ناڤێ مه‌دیا ئازاد شەرەکی تایبەت ئێ هەری چەپەل ل دژی پێشمەرگەهان دەست پێ کر و ل ئالیێ دژمن رۆمالا شەر دکرن، ڤان مەدیایا هەول ددا ب نووچەیێن نەراست ئالیکاریا داگیرکاران بکن و ورەیا پێشمەرگەهان تونە بکن، جارنا دگۆ كو (قوشتەپە هات داگیر کرن) جارنا دگۆ (مالباتا بارزانی بەر ب ترکیا رەڤیان) جارنا دگۆ (پێشمەرگەیێن سەر ب پارتی باژارۆکێ پردێ بۆمبەباران دکن) و جارنا (پێشمەرگەهێن پارتی ب رەنگەکە پر دویر ژ ئینسانیەتێ ره‌فتارێ دگەل ب دیلێن حەشدێ ره‌ دکن) کو ئەڤ هەموو ب تەنێ ژ بۆ ئالیکاریا دژمن و بێ مۆرال کرنا پێشمەرگەهان دهات گۆتن، گەر ولو نەبێ ئەرێ چما ل سەنگەرێن دژمن ئەڤ شەرێ تایبەت دمەشاند؟.

داستانا"ها گولا تەمە" رومه‌تا هه‌رێما باشووری پاراست

د ڤی شەرێ دە پێشمەرگەهێن کوردستانێ د دەما 8 سائه‌تان دە 6 ئێریشێن دژمن تێکشکاندن و ب دەهان کەلەخێن چەکدارێن میلیشیایێن حەشدێ د مه‌یدانا شەر دە مان، ب ناڤەندکاریا هێزەکە ناڤدەولەتی، حەشدا شەعبی داخوازا سەکناندنا شه‌رێ پردێ کر تاکو بکاربن کەلەخێ کوشتیێن خوە راکن، وەکە هەرجار و بەرچاڤ وەرگرتنا ئالیێ ئینسانی پێشمەرگە رازی بوون ب ڤێ داخوازا حەشدێ، لێ بەلێ دژمن د خوه‌ست مفا ژ ڤێ دل نەرمیا پێشمەرگە وەرگرە و ب بەهانەیا راكرنا جه‌سه‌دێن مەیتێن خوە ئێریشی پێشمەرگەهان بکەن، ژبەرکو ل ت جیێ جیهانێ نەبوویە هێزەک ب تانک و هەمەر و چەکێن گران هەول  بدە مەیتێن خوە ژ مه‌یدانا شەر راکە، پێشمەرگە ب ڤێ پیلانا دژمن زانین و شەر دیسان دەست پێکر و کوشتیێن دژمن کرن دو هند.

داستانا"ها گولا تەمە" رومه‌تا هه‌رێما باشووری پاراست

ژ ئیخانەتێ نەبا نە کەرکووك بەلکو بوهستەک ژ خاكا ولات ب پۆستالێن دژمن قرێژ نەدبوو

ئیخانه‌تێ پێشمه‌رگه‌ ل كه‌ركووكێ گریاند نه‌ك تانكێن دژمن

پێشمەرگەهێن پارتیا ئازادیا کوردستانێ رۆلەکە هەری بەرچاڤ د داستانا پردێ ده‌ هەبوو

پاش کو حەشدا شەعبی و سپایێ ئیراقێ دگەل سپایێ ئیرانێ و حیزبوللاها لبنانی زانی كو نکارن ئه‌نیێن پێشمەرگە ل پردێ بشکێنن و بەر ب هەولێرێ بچن ب رێیا دوگلاس سیلیمان ئێ بالیۆزێ ئەمەریکایێ ل ئیراقێ، داخوازا ئاگربەستێ کر، سەرکرداتیا کوردستانێ ژێره‌ گۆت کو (مە شەر دەست پێ نەکریە تاکو ئه‌م راگرین)، ل ڤێ رۆژێ بوو کو دیسان شکو ژ بۆ پێشمەرگەهێن کوردستانێ زڤری و ژ هەر کەسەکێ رە زەلال بوو کو گەر ئیخانەت نەبا نەک کەرکووك بەلکو بوهستەک ژ خاكا کوردستانێ ب پۆستالێن دژمن قرێژ نەدبوو، ژ بۆ هەر کەسێ باش خوه‌یا بوو کو ئەڤ ئیخانەت بوو پێشمەرگەهێن کوردستانێ ل کەرکووکێ گریاندی نەک هێز و تانکێن دژمن. هێژایێ گوتنێ یە کو هێزەکە پێشمەرگەهێن پارتیا ئازادیا کوردستانێ ب سەرکرداتیا حسێن یەزدان پەنا بەشداری ڤێ داستانێ کرن و رۆلەکە هەری بەرچاڤ د شەر دە هەبوو.

داستانا"ها گولا تەمە" رومه‌تا هه‌رێما باشووری پاراست

دژمن شه‌رێ پردێ ب گوله‌ هاوەنەکێ ده‌ستپێكر و پێشمه‌رگه‌هه‌كێ كوردستانێ ب سترانا (ها گولا ته‌مه)‌ ب داوی ئینا

ب ڤێ یەکێ ئەو هێزا کو ژ حەشدا شەعبی و سپایێ پاسداران و میلیشیایێن سەر ب حیزبوللاها لبنانی کو ل هیران و نازەنینان ل به‌ندا تێکشکاندا ئه‌نیێن پێشمەرگە بوون ل پردێ پاش کو پێ زانی کو ئەو ئه‌نی ناهێن تێکشکاندن ب نەچاری پاشدە کێشان و پیلانا ژناڤبرنا ستاتۆیا هەرێما باشوورێ کوردستانێ کو ب ئالیکاریا گرۆپێ (کالفامێن) د ناڤا یەکیتیا نشتیمانی ئا کوردستانێ هاتبوو دانین تووشی شکەستنێ هات و پیلان وەکە دژمنان هێڤی دکر و دخواست بجی نەبوو ئەڤ یەک ژی ب خوینا چەندین پێشمەرگەهێن کوردستانێ بوو.

وەکە ل دەستپێکێ مە ئیماژه‌ پێ دای شەرێ پردێ ب گوللـه‌ هاوەنەکا سپایێ پاسداران ل دەمژمێر 4 سەرێ سبێ دە دەست پێکر و ب سترانا “ها گولا تەمە” کو ژ ئالیێ پێشمەرگەهەکێ ل ئه‌نیێن شه‌ر دهات گوتن د گەرمە گەرما شەری دە ب داوی هات.

پوستێن ھەمان بەش