هێزێن سووریایا ده‌مۆكراتیك هه‌سه‌ده، ئێڤارا ئیرۆ رۆژا یه‌كشه‌می ده‌ست ب ڤه‌كشاندنا هێزێن خوه ژ ده‌ردوورا باژارێ سه‌رێ كانیێ كرن، وه‌كه ده‌ستپێك ژ بۆ بجی كرنا ل هه‌ڤهاتنا ئه‌نقه‌رێ.
ل گۆر چاڤكانیێن داركا مازیێ ل رۆژئاڤا كوردستانێ، ئێڤارا ئیرۆ رۆژا یه‌كشه‌می 20/10/2019ان، فه‌رمانداریا هێزێن سووریایا ده‌مۆكراتیك هه‌سه‌ده، ده‌ست ب ڤه‌كشاندنا هێزێن خوه ژ سینۆرێ باژاركێ سه‌رێ كانیێ كر، لێ رێ نه‌دایه تو كه‌س به‌هسا وێ ڤه‌كشاندنێ بكه.
هه‌سه‌دێ ژ دوهـ ڤه ب هه‌ماهه‌نگی ئا ب ئه‌مه‌ریكایێ ره، ده‌ست ب پاشده ڤه‌كشینا ژ سه‌رێ كانیێ ده‌ست پێ كریه و لهه‌ڤهاتن وهایه كو ئیرۆ سه‌رێ كانیێ ب ته‌مامی ژ هه‌سه‌دێ وه‌ره ڤالا كرن.
ئه‌مه‌ریكایێ و تركیێ ل 17 ئۆكتۆبه‌را 2019ان ل هه‌ڤهاتنا ئاگربه‌ستێ ئیمزه كر، ل گور لهه‌ڤهاتنێ هێزێن سووریایا ده‌مۆكراتیك وێ ب كووراهیا 32 كم ژ رۆژهلاتا فراتێ پاشده ڤه‌كشن، ده‌ما ڤه‌كشاندنێ ژی ب 120 سائه‌تان هاتیه ده‌ست نیشان كرن.
دوهـ رۆژا شه‌می ره‌جه‌ب ته‌یب ئه‌ردۆگان راگهاندبوو كو گه‌ر 120 سائه‌تێن لهه‌ڤهاتنێ ب قه‌ده و پاشد ڤه‌كشاندن چێنه‌به، ئه‌مێ ئۆپه‌راسیۆنێ ژ وێ ده‌رێ ده‌ست پێ بكن ده‌را كو ئه‌م لێ سه‌كنینه.
