تركی دبێژه‌ دۆماندنا ئاگربه‌ستێ د ده‌ست هه‌سه‌دێ ده‌یه‌

تركی دبێژه‌ دۆماندنا ئاگربه‌ستێ د ده‌ست هه‌سه‌دێ ده‌یه‌

سه‌رۆكتیا تركیێ ئیرۆ ل ده‌ربارا ئاگربه‌ستا ل باكوورا رۆژهلاتا سووریێ داخویانی دا و تێده‌ ده‌ست نیشان كر كو ئه‌گه‌ر هه‌سه‌ده‌ ل هه‌رێما ئه‌وله‌هیێ ڤه‌كشه‌، ده‌رفه‌ت وێ هه‌به‌ ئاگربه‌ست وه‌ره‌ دۆماندن.

به‌رده‌ڤكێ سه‌رۆكتیا تركیێ ئیبراهیم كالن، ئیرۆ رۆژا سێشه‌می 22/10/2019ان ل ده‌ربارا ئاگربه‌ستا باكوورا رۆژهلاتا سووریێ كۆنفه‌ره‌نسه‌كه‌ چاپه‌مه‌نیێ ل دار خست و وها تێده‌ ئاخڤی: گه‌ر هێزێن سووریایا ده‌مۆكراتیك هه‌سه‌ده‌ خوه‌ ژ وان ناڤچه‌یێن كو تركیێ دخوازه‌، ڤه‌كشینه‌، ل وێ ده‌مێ ده‌رفه‌ت وێ هه‌به‌، ئاگربه‌ست وه‌ره‌ دۆماندن.

ئیبراهیم كالن هه‌موه‌خت ده‌ست نیشان كر كو ئه‌و هه‌یا ئێڤارا ئیرۆ وێ ره‌وشێ ل باكوورێ سووریێ ب شۆپینن و ب هووری چاڤدێریا هه‌ره‌كه‌تێن هه‌سه‌دێ بكن.

ئه‌ڤ داخویانیا سه‌رۆكتیا تركیێ هه‌موه‌ختا هه‌ولا فرانسایێ ئا درێژكرنا ئاگربه‌ستا باكوورێ سووریێ یه‌ كو دوهـ رۆژا دوشه‌می سه‌رۆكێ فرانسایێ ئه‌ممانوه‌ل ماكرۆن ب پۆتین ره‌ ئاخڤی و ژێ خوه‌ست كو ئاگربه‌ست وه‌ره‌ دۆماندن.

پوستێن ھەمان بەش