تركیێ 2 كادرێن هه‌ری به‌رز ئێن په‌كه‌كێ ل سلێمانیێ كوشتن

تركیێ دو كادرێن هه‌ری به‌رز ئێن په‌كه‌كێ ل سلێمانیێ كوشتن

سازیا ئاسایشا هه‌رێما باشوورێ كوردستانێ، ئیرۆ ئه‌شكه‌ره‌ كر، باله‌فرێن بێ پیلۆت ئێن تركیێ 2 ئه‌ندامێن هه‌ری به‌رز ئێن پارتیا كاركه‌رێن كوردستانێ په‌كه‌كێ، ل چیایێ ئه‌زمر ئێ سلێمانیێ كوشتنه‌.

ل 15 جۆتمه‌ها ئیسالێ وه‌ختا كو نووچه‌یا كوشتنا 2 ولاتیێن نه‌ ناسكری ل چیایێ ئه‌زمر ئێ سلێمانیێ هات به‌لاڤكرن، ت زانیاری ل سه‌ر وێ بوویه‌رێ نه‌ ده‌ركه‌تن هۆلێ، پشتره‌ هات به‌لاڤ كرن كه‌سێن كو هاتنه‌ كوشتن، دو كادرێن هه‌ری به‌رز ئێن پارتیا كاركه‌رێن كوردستانێ په‌كه‌كێ بوون.

ئیرۆ رۆژا سێشه‌می 22/10/2019ان و پشتی ده‌رباسبوونا 7 رۆژان ژ بوویه‌رێ، ئاسایشا هه‌رێما كوردستانێ، د به‌یانه‌كه‌ نڤیسكی ده‌ پشتراست كر كو كه‌سێن ل 15 جۆتمه‌هێ ل چیایێ ئه‌زمر هاتنه‌ كوشتن، دو كادرێن به‌رز ئێ په‌كه‌كێ بوون ب ناڤێ (جه‌میل) و (ده‌مهات).

د به‌یانێ ده‌ هاتیه‌: ل ده‌مژمێر 17:10 بۆ 17:15 ئا ئێڤارا رۆژا 15/10/2019ان، باله‌فره‌كه‌ بێ پیلۆت ئا تركیێ ل چیایێ ئه‌زمرێ، ئه‌ندامێن به‌رز ئێن په‌كه‌كێ (جه‌میل و ده‌مهات) كو ئه‌ندامێن كۆما جڤاكێن كوردستانێ كه‌جه‌كێ نه‌، كرنه‌ ئارمانج و كوشتنه‌.

هه‌موه‌خت ئاسایشێ ده‌ست نیشان كر كو ئه‌و هه‌ردو كادرێن په‌كه‌كێ بێ ده‌ستوور و ئاگه‌هیا هكوومه‌تا هه‌رێما باشوور هاتبوون سلێمانیێ، باله‌فرێن تركیێ ژی ئه‌و د ناڤ خه‌لكێ سڤیل ده‌ كوشتنه‌.

ئاسایشا هه‌رێما كوردستانێ ئه‌ڤ بوویه‌ر ب مه‌ترسیدار وه‌سف دكه‌، هه‌موه‌خت ب پێشێلكاری ل سه‌ر ئه‌وله‌هیا سلێمانیێ كو ل جیه‌كه‌ گه‌شتیار باله‌فرێن بێ پیلۆت ئێن تركیێ ئۆپه‌راسیۆن لێ كرنه‌.

ئاسایشا هه‌رێمێ بانگ ل هه‌موو ئالیان و هكوومه‌تێن كوردستانێ و ئیراقا فه‌ده‌رال دكه‌ كو خاكا هه‌رێمێ ژبۆ ت ئێریشان  نه‌یێ بكارئانین.

تركیێ 2 كادرێن هه‌ری به‌رز ئێن په‌كه‌كێ ل سلێمانیێ كوشتن