رووسیا و تركیێ گه‌رێن هه‌ڤبه‌ش ل رۆژئاڤا كوردستانێ كرن

رووسیا و تركیێ گه‌رێن هه‌ڤبه‌ش ل رۆژئاڤا كوردستانێ كرن

پۆلیسێن له‌شكری یێن رووسیا فه‌ده‌رال و ئارته‌شا تركیێ یه‌كه‌مین گه‌را هه‌ڤبه‌ش ل رۆژئاڤا كوردستانێ پێك ئانین، گه‌رێن هه‌ڤبه‌ش ل ناڤچه‌یێن كو هه‌سه‌دێ خوه‌ لێ ڤه‌كشاندنه‌، هاتنه‌ كرن.

دوهـ رۆژا چارشه‌می 23/10/2019ان هه‌موه‌ختا ده‌رباسبوونا پۆلیسێن له‌شكری یێن رووسیا فه‌ده‌رال بۆ سینۆرێ كانتۆنا كۆبانێ، یه‌كه‌مین گه‌را هه‌ڤبش ل گه‌ل ئارته‌شا تركیێ ل وێ ناڤچه‌یێ، هه‌ر وها ل ناڤچه‌یێن باكوورێ رۆژهلاتا سووریێ پێك ئانین.

گه‌را هه‌ڤبش ئا چاڤدێریێ ل گور لهه‌ڤهاتنا رۆژا سێشه‌می 22 جۆتمه‌هێ ئا باژارێ سووچی یه‌ كو  ره‌جه‌ب ته‌یب ئه‌ردۆگان و ڤلادیمێر پوتین ئیمزه‌ كرنه‌.

د خالا پێنجه‌مین ئا لهه‌ڤهاتنا سووچیێ ده‌ وها هاتیه‌: ل رۆژا چارشه‌می 23/10/2019ان ل سائه‌تا 12:00 نیڤرۆژێ، گه‌رێن هه‌ڤبه‌ش ئێن چاڤدێریێ ل ناڤبه‌را پۆلیسێن فه‌ده‌رال ئێن رووسایێ و ئارته‌شا تركیێ وێ وه‌رن پێكئانین.

لهه‌ڤهاتنا ئه‌نقه‌ره‌ و مۆسكۆ دبێژه‌: پێویسته‌ د وه‌ختا 150 سائه‌تان ده‌ هێزێن سووریایا ده‌مۆكراتیك هه‌سه‌دە ب كووراهیا 30 كم ڤه‌كشن، پۆلیسێن له‌شكری ئێن رووسیایێ وێ چاڤدێریا ڤه‌كشینا وان بكن.

پوستێن ھەمان بەش