سه‌كره‌ته‌رێ گشتی یێ پارتیا پێشڤه‌رۆ یا كوردی ل سووریێ، ئه‌بدولھەمید دەرویش سه‌رێ سبێ یا ئیرۆ رۆژا پێنجشه‌می 24/10/2019ان، ل نه‌خوه‌شخانه‌یه‌كه دیمه‌شقا پایته‌ختا سووریێ كۆچا داویێ كر.
پارتیا دەمۆکراتییا پێشڤەرۆ یا کورد ل سووریێ گۆت: “سەرکرەتەرێ گشتی یێ پارتیێ، ته‌کۆشەر ئه‌بدولھەمید دەرویش د سائەتا 2:00 بەربانگا سبەھا ئیرۆ پێنجشەمێ 24/10/2019ان کۆچا داوی کر.
کۆمیتەیا ناڤەندیا پارتیێ ب بیر خست کو ئه‌بدولهه‌مید دەرویش وێ ل گوندێ وی قورمانیێ یێ گرێدایی باژارێ دربێسیێ سبە رۆژا ئینی 25ی جۆتمه‌هێ بێ ڤەشارتن. دێ کاروانا ئۆخرکرنێ ژ پێش ستادا 12ێ ئادارێ یا باژارێ قامشلۆ، ب رێ بکەڤە.
کۆمیتەیا ناڤەندییا پارتیێ ئیشارەت پێ کر کو دێ مەراسیما سەرساخیێ ل باژارێ قامشلۆ ژ ئیرۆ دە و بۆ ده‌ما 3 رۆژان ل دار بکەڤە.
سەکرەتەرێ گشتییێ پارتیا دەمۆکراتیا پێشڤەرۆ یا کورد ل سووریێ ئه‌بدولھەمید دەرویش ل سالا 1930ان ل گوندێ قورمانیێ گرێدایی ناڤچەیا دربێسیێ هاتیه دنیایێ.
ئابدولھەمید ھاج دەرویش ژ دامەزرینەرێ تەڤگەرا سیاسیا کوردی یه ل سووریێ. گەلەک ئەرکێن گرینگ د پارتی و رێخستنێن سیاسی دە ھلگرتن، ل داویێ ژ بۆ سەکرەتەرێ گشتییێ پارتیا دەمۆکراتییا پێشڤەرۆ یا کورد ل سووریێ ھات ھلبژارتن.
