رێبه‌را ره‌وتا سه‌در ئیرۆ جاره‌كه دن ئێریشی سه‌ر وه‌زیرێ ئیراقا فه‌ده‌رال كر و گۆ كو جوداهی ل ناڤبه‌را ئه‌بدولمه‌هدی و به‌شار ئه‌سه‌د ده تونه‌یه.
رێبه‌را ره‌وتا سه‌در، موقته‌دا سه‌در ئیرۆ رۆژا چارشه‌می 30/10/2019ان ل ئه‌كاونتا خوه ئا تویته‌رێ ل دژی سه‌ر وه‌زیرێ ئیراقا فه‌ده‌رال ئاخڤی و ده‌ست نیشان كر كو هه‌گه‌ر ئه‌بدولمه‌هدی ده‌ست ژ پۆستا سه‌رۆكتیا هكوومه‌تێ نه‌كشینه، ره‌وشه‌كه وه‌كه ره‌وشا سووریایێ و یه‌مه‌نێ و ل ئیراقێ ده‌ركه‌ڤه هۆلێ.
هه‌موه‌خت سه‌در گۆت: ده‌وام كرنا ئه‌بدولمه‌هدی ل سه‌رۆكتیا هكوومه‌تێ وێ ب تو ئاوایه‌كی قه‌یرانێ چارسه‌ر نه‌كه، لێ به‌لێ چاره‌سه‌ری ته‌نێ د چوونا وی و هكوومه‌تا وی ده‌یه.
د به‌شه‌كا دن ئا تویتا خوه ئا داویێ ده، موقته‌دا سه‌در، ئادل ئه‌بدولمه‌هدی ب دستهلاتداره‌كه وه‌كه به‌شار ئه‌سه‌دێ سه‌رۆكێ سووریایێ و ئه‌بد ره‌به مه‌نسوور هادی ئێ سه‌رۆكێ یه‌مه‌نێ نرخاندیه.
