خوه‌پێشانده‌ران رێكێن سه‌ره‌كه‌ یێن به‌خدایێ داخستنه‌

 د بەردەوام بوونا خوەپێشاندانێن بەخدایێ دە ئەوێن ل دژی هکوومەتا فەدرال تێن كرن، پرانییا جادە و رێیێن سەرەکە ژ ئالیێ خوەپێشاندەران ڤە هاتن داخستن.

سەرێ سبێ ئا ئیرۆ رۆژا یه‌كشه‌می 3/11/2019ان، خوەپێشاندەران ل بەخدا ئا پایتەخت پرانیا جادە و رێیێن سەرەکە داخستن، ب تایبەت ئەو ناڤچەیێن کو د کەڤنە روئاڤا باژار و ژ بۆ وێ یەکێ ژی رێیا مەشینێ ل ناڤچەیێ زه‌همه‌ت كه‌تیه‌.

دیسان خوەپێشاندەران رێیێن سەرەکە یێن ناڤچەیێن بنۆک ئا روژهلاتا بەخدایێ و ناڤچەیا زەئفەرانیە ئا باشوورا رۆژهلاتا باژار و د گەل رێیا سەرەکە ئا بەخدا _ واست و هه‌موه‌خت رێیێن دەرڤەی ناڤچەیا سەدر داخستنه‌. ئەڤ ژی د دەمەکێ دەیە کو داخاز تێ کرن دەست ب مانگرتنا گشتی بێ كرن ژ بۆ کو داخوازیێن خوەپێشاندەران وەرن بجی کرن و هکوومەتا نها یاکو ئادل ئەبدولمەهدی برێڤە دبە، ناچار بکە بێ هەلوەشاندن و دەست ژ کار بکشینە.