ئۆجالان هەموو هەڤالێن خوە تەسفیە کرن

كادرێ په‌كه‌كێ وه‌ختا رێیا خوه‌ ژ بۆ رێبه‌راتیێ ڤه‌دكر ب فه‌رمانا رێبه‌رێ مه‌زن دهات كوشتن

ته‌سفیه‌كرنا كادرێن پێشكه‌فتی نه‌ سیاسه‌ته‌كه‌ PKK یه‌، لێ به‌لێ PKK ‌د خوه‌زایا خوه‌ دا وهایه‌، هه‌ر كادره‌كێ رێیا خوه‌ به‌ر ب رێبه‌راتیێ دبینه‌، هه‌ر راست ب فه‌رمانا رێبه‌رێ مه‌زن تێ ته‌سفیه‌كرن.

مەزنترین هێز ل باکوورێ کوردستانێ هەیا سالا 1980ان «DDKD» و رێخستنا «کاوە» بوو، كادرێن ڤان دو رێخستنان ل ده‌رڤه‌ی تركیێ ب ده‌ستPKK ێ و د هوندر ده‌ ب ده‌ست ده‌وله‌تێ یه‌ك ب یه‌ك هاتن ژناڤبرن، د رێبه‌راتیێ ده‌ ئۆجالان دخوەست ب تەنا سەرێ خوە بمینە، ئه‌و ب کۆدناڤێ «هەڤال/ئەلی» بوو.

«خەیری دۆرمۆش» یەک ژ كادرێن پێشەنگ یێنPKK  بوو، وه‌ختا هاتیه‌ گرتن، ل ئامەدێ دادوەر ژێرە دبێژە هوون وەکە «ئاپۆچی»، خەیری د بەرسڤێ دە گۆ: «ئەڤ یەک یاریەکە قرێژ ئا دەولەتێ یە و گەفە ژ بۆی مە، ئەم رێخستنەکە سیاسی نە، ئەڤ رێخستن ژ ئالیێ یەک کەسی ڤە نایێ بریڤەبرن، بەلکو هه‌یئه‌ته‌كا وێ هه‌یه‌، ئۆجالان مینا هەر كادره‌كێ دنە، چما هوون مە وها ناڤ دکن، رامانا په‌یڤا ئاپۆچێ تونه‌یه‌».

ئیرۆPKK  ژ هەر پارتیەکە دن پێتر PDK ره‌خنه‌ دكه‌ و دبێژە: «ئه‌و پارتیەکە خێزانیە ژ ئالیێ یەک کەسی ڤە تی برێڤەبرن و نه‌وەکه‌ ناڤێ خوە ده‌مۆكراتیكه»‌، ئا راست ئەڤ ئەڤ یەک ب زه‌لالی د PKK ده‌ تێ دیتن، PKK بریارێن خوه‌ ته‌نێ ژ زاتێ ئۆجالان دستینه‌، تو رێخستنەکە سیاسی ل همبەر خوە قەبوول ناکە، رایێن جودا ب دژی ئارمانجێن گەل و ئایدۆلۆژیا خوه ‌دبینه‌ و هەر زوو وان کەس و گرۆپان تەسفیە دکە.

په‌كه‌كێ هه‌موو كادرێن پێشكه‌فتی ب سووچا خیانه‌ت و سیخۆریێ كوشتنه‌

ل سالا 1980 هه‌یا 1986ان، هەر کەسێ ل دژی PKK ب فه‌رمانا ئۆجالان دهات کوشتن و به‌را كوشتنێ ب ئیخانەت و سیخۆریا ژ بۆ دژمن دهات سووچدار كرن، ئەم دکارن چەند میناکان باس بکین:

دامەزرینەرێPKK  «سەمیر/چەتین گۆنگۆر» كو د پۆلەتیکایێ دە كه‌سه‌ك زانا بوو، پاش سالێن هەشتیان ئەو ل دژ بوو PKK ژ ئالیێ یەک کەسی «ئۆجالان» ڤە وه‌ره‌ برێڤەبرن، وی سیستەمەکە ده‌مۆکراتیك خوه‌ست.

سه‌میر د کۆنگرەیا سالا 1982ان دە رازینه‌بوو ئۆجالان ببە سەرۆک، پشتره‌ ئۆجالان سەمیر شانده‌ ئەورۆپا، لێ به‌لێ ل ور پێگه‌ها سه‌میر بهێز كه‌ت، ئۆجالان هه‌ست ب خه‌ته‌رێ دكه‌، له‌وما بانگ ل چه‌تین كر ڤه‌گه‌ره‌، چه‌تینی ئۆجالان وەکە دیکتاتۆر میزە دكر و به‌رده‌وام PKK ره‌خنه‌كر، هه‌یا ل سالا 1985ان ل ستۆكهۆلمێ تێ کوشتن.

ژ بلی سەمیر گەلەک كادر و دامەزرینەرێن PKK هاتن کوشتن وەکە:

 ئەنوەر ئاتا ب کۆد ناڤێ «عەلی باتمان»

زۆلفی گۆک

رەسوول ئالتۆن ئوک ب کۆد ناڤێ «داوود»

موراد بایرقلی كو ل 1984ان ل بەرلینێ تێ شەوتاندن

لەمیعە باقسی ب کۆد ناڤێ «سەحەر»

جەمیلە قه‌یتان هەڤژینا علی حەیدەر قەیتان

«بایده‌میر، ده‌میرتاش، له‌یلا زانا و ئه‌همه‌ت تورك» میناكێن زیندی یێن نه‌هشتنا كادرێن رێبه‌ره‌

ئەڤ رەفتاراPKK  هەیا نها به‌رده‌وامه‌، چه‌ندین میناكێن دن ژی ل سه‌ر هه‌نه‌، ئه‌ڤجا چ ب كوشتن به‌، یان ب دوورخستنا سیاسی، یان ژی ب وونداكرنێ، بۆ میناك وه‌ختا ئۆسمان بایده‌میر ل باكورێ كوردستانێ وها ب ناڤ و ده‌نگ بووی كو خه‌لكێ پێره‌ دگۆ «ئاپۆیێ بچووك» هه‌ر تشت ل ده‌ست وی ده‌رخستن و ئه‌و بێ رۆل هشت، له‌یلا زانا پاش كو 10 سالان ب سه‌ده‌ما ناڤێ كوردستانێ د زیندانێ ده‌ مایی، وه‌ختا ئازاد بووی چ رۆله‌ك دیار پێ نه‌هات دایین، ئه‌همه‌د تورك و سه‌لاهه‌تین ده‌میرتاش ژی ب وی ده‌ردی چوون.

پوستێن ھەمان بەش