فه‌رماندارێ گشتی ئێ هێزێن سووریایا ده‌مۆكراتیك هه‌سه‌ده ل ده‌ربارا هه‌ماهه‌نگیا وان و هه‌ڤپه‌یمانیا ناڤنه‌ته‌وه‌ئی ئا ب سه‌ركێشیا ئه‌مه‌ریكایی داخوه‌یانی دا و گۆت: كارێ هه‌ڤبه‌ش وێ بدۆمه.
فه‌رماندارێ هه‌سه‌دێ مه‌زلووم ئه‌بدی ئیرۆ رۆژا پێنجشه‌می 7/11/2019ان ل ده‌ربارا ده‌ست پێ كرنا كارێ وان ئێ له‌شكری دگه‌ل هه‌ڤپه‌یمانیا ناڤنه‌ته‌وه‌ئی ئا ب سه‌ركێشیا ئه‌مه‌ریكایێ داخوه‌یانی دا و وها ئاخڤی: هه‌سه‌ده وێ هه‌ماهه‌نگیا خوه ئا ل گه‌ل هێزێن ئه‌مه‌ریكی و هه‌ڤپه‌یمانیا ناڤنه‌ته‌وه‌ئی جاره‌كه دن ب مه‌شینه.
مه‌زلووم كۆبانی ده‌ست نیشان كر كو هه‌ماهه‌نگیا هه‌سه‌دێ و هه‌ڤپه‌یمانیا ناڤنه‌ته‌وه‌ئی وێ ته‌نێ ژ بۆ شه‌ڕێ ژناڤبرنا رێخستنا دائیشێ به.
تێ زانین كو ل گه‌ل ده‌ست پێ كرنا ئێریشا داگیركاریا تركیێ ل سه‌ر رۆژئاڤا كوردستانێ ژ 9ێ جۆتمه‌هێ ڤه، هێزێن سووریایا ده‌مۆكراتیك جه‌نگا خوه ل دژی رێخستنا ته‌رۆریستیا دائیشێ سه‌كناندبوو.
هێزێن سووریایا ده‌مۆكراتیك كو د جه‌نگا دائیشێ ده 11 هزار شه‌هید و 24 هزار بریندارێن وان هه‌نه، پشتی لهه‌ڤهاتنا جۆتمه‌ها ئیسال ل گه‌ل دیمه‌شقێ، ناڤچه‌یێن كو وان ب خوینا شه‌هیدێن خوه ژ ته‌رۆرێ رزگاركرنه، ب ته‌مامی ژ ده‌ست دان.
