پهكهكه ژ جهنهرالبوونا مهزلووم كۆبانی پڕ عاجز و تۆرهیه
دگهل داگیركرنا رۆژئاڤا كوردستانێ ژ ئالیێ دهولهتا تركیێ ڤه، گهلهك ئهنجامێن سیاسی یێن نوو وێ دهربكهڤن، یهك ژ وان ئهنجامان ئهوه كو «جهنهرال مهزلووم» وهكه كهساتیهكێ نوو د سیاسهتا كوردی ده پهیدا دبه، ههیا بهرا دو مههان ژی، ناڤێ «مهزلووم» تهنێ ل رۆژئاڤا كوردستانێ دهات بهیستن و ناڤودهنگیا وی تونهبوو، ئهو ب ناڤێ «شاهین جیلۆ» دهات ناس كرن، لێ بهلێ د وهختا مهههكێ ده ب ناڤێ «جهنهرال مهزلووم» هات ناسكرن، ئهرێ «مهزلووم ئهبدی» كی یه؟ ئهرێ گهلۆ ئهڤ ههژی ڤێ پلهیا جهنهرالیێ یه و چ ئالی دژی ڤێ پله و پۆستا وی نه.
ئهردۆگانی پهیامهكه زهلال ب رێیا ئهبدولقادر سهلهفی ژ بۆ مهزلووم شاندیه
پشتی كوشتنا رێبهرێ دائیشێ «ئهبو بهكر بهخدادی»، سهرۆك كۆمارێ تركیێ رهجهب تهیب ئهردۆگان گۆتاهرك پێشكێش كر، هنهك ولات وهختا ههژمارهكه تهرۆریستان ب مهترسی ل سهر ولاتێ خوه دبینن و ئهو تهرۆریست ل كو دهرێ بن وێ وان ژناڤ ببن، ئهڤ ب وێ رامانێ تێ كو تركیێ ماف ههیه ئهڤ ههلوهست ههبه.
نڤیسهرهكه ئهرهب ههیه ب ناڤێ «ئهبدولقادر سهلهفی» گۆتارهك ل رۆژا 30 جۆتمهها سالا 2019ان وهشاند و تێده وها گۆتیه: «ئهری گهلۆ هوونێ ببینن كو ئهردۆگان وێ ل همبهر رۆژنامهڤان ببێژیت مه مهزلووم كۆبانی، جهمیل بایك و كارایلان ژناڤبرن»؟ ئهبدولقادر سهلهفی ههر وها دبێژه كو ئهردۆگان رۆناهیا كهسك ب وی دایه كو ڤێ پهیامێ بهلاڤ بكه، ئهڤ گۆتارا ئهبدولقادر سهلهفی و ئهردۆگانی، نهپهیامهكه نۆرماله كو مرۆڤ ل بهر چاڤ نهگره، ژ بهر كو ئهبدولقادر سهلهفی نڤیسهرهكه ههری نێزی ئهردۆگانی یه، ئهڤ نه گۆتاره، لێ بهلێ گهفهكه ب زهلالی ل مهزلووم ئهبدی تێ كرن.
جهنهرال مهزلووم كی یه و دژمنێن وی كی نه؟
مهزلووم ئهبدی ل سالا 1967ان ل باژارێ كۆبانێ هاتیه دنیایێ، وی ل تهمهنهكه زوو ده تهكۆشینا كوردی ناسكر، باڤێ وێ دختۆر بوو و ب دلسۆزی ئهو نێزی ههموو تهڤگهرێن كوردی دبوو، مالا وان ئا ل كۆبانێ یهك ژ وان مالان بوو كو وهختا ئهبدوللا ئۆجالان چوویه سووریێ سهردان ژ بۆ كری، پشتره جهنهرال مهزلووم ل زانینگهها حهلهبێ بهشێ ئهندازیاری خوهند، ئهو خۆرتهكێ زێده فاما بوو، لهوما وی بالا گهل كشاند.
ل زانینگههێ كارێن رێخستنێ ژ بۆ پارتیا كاركهرێن كوردستانێ پهكهكێ كرنه، ل سالێن 1988 – 1989ان، جهنهرال مهزلووم ل «دۆلا بیقاع» تهڤلی خولهكه پهروهردهیا سیاسی و لهشكری ئا پهكهكێ دبه، ل سالا 1992ان ژی ب فهرمی تهڤلی رێزێن پهكهكێ دبه و ل باشوورێ كوردستانێ د كامپا پهكهكێ ده د خهباتێن پهروهردێ ده جی دگره، ئا راست ئهوه كو جهنهرال مهزلووم كۆبانی یهك چالاكیا لهشكری ل دژی دهولهتا تركیێ ئهنجام نهدایه.
خۆرتێ كو ل پشت ئهبدوللا ئۆجالان د مهلهڤانگههێ ده دهردكهڤه، نه مهزلووم ئهبدی یه
مهزلووم ل سالا 1995ان ب گرانی بریندار دبه و ئهو ژ بۆ چارهسهریێ تێ ڤهگوهاستن ژ بۆ شامێ ئا پایتهختا سووریێ، پاش وهرگرتنا چارهسهریێ ئهو ژ بۆ دۆماندنا خهباتێن پهكهكێ ژ بۆ ئهورۆپایێ تێ شاندن و مانا وی ل ور ههیا دهستهسهر كرنا ئهبدوللا ئۆجالان ژ ئالیێ دهولهتا تركیێ ڤه دهوام دكه.
هێژا گۆتنێ یه كو مهدیا تركیێ وێنهیهك وهشاندیه كو رێبهرێ پهكهكێ ئۆجالان و مهزلووم كۆبانی ب ههڤره د مهلهڤانگهههكێ ده نه، ئا راست پشتی ل دووڤچوونا پیگهها «داركا مازی» ژ بۆ وێنهی، ئهشكهره بوو خۆرتێ كو ل پشت ئۆجالان د مهلهڤانگههێ ده دهردكهڤه، نه مهزلووم ئهبدی یه، لێ بهلێ ئهو كهس ب ناڤێ «چهكداره» ژ گوندێ شاخێ ئێ گرێدای جزیرا بۆتانه و ئهو د ژیانێ ده نهمایه.
