ل هندستانێ فیلەکە قاتل هات دەستەسەر کرن

ل هندستانێ فیلەکە قاتل هات دەستەسەر کرن

چاڤکانیێن فەرمی یێن هندستانێ راگهاند کو ئەفسەرێن سەر ب یەکەیێن پاراستنا ژینگەهێ فیلەکە ب ترس دەستەسەر کر، ئەڤ هەیوانێ مەزن ببوو سەدەما کوشتنا 5 کەسان، لێ د هەوەکە بەرفرە ئا پۆلیس و ئەفسەرێن سەر ب یەکەیێن پاراستنا ژینگەهێ،ئەڤ فیلە تێ دەستەسەر کرن.

ل گۆر راپۆرەکە AFP ئەفسەرێن ژینگەهێ ب رێیا بکارئانینا مێش هنگڤان، ب جیێ ڤی فیلی کەتن کو ئەڤ بو دەما چەند رۆژان بوو خوە ل باکوورا ویلایەتا ئۆسامە ڤەشارتی.

ئەفسەرێ بەرپرس د ڤی واری دە راگهاند، رێکارێن داویێ ئیرۆ مە ئەنجام دانە، دو گولە بەر ب ڤی فیلی هاتینە ئاڤێتن، تاکو ئەڤ فیل ئارام ببە. هەروەها راگهاند کو رێکارێن پێویست ژ بوو ڤەگوهاستنا ڤی فیلی ژ بۆ دارستانەکە دوور ژ مرۆڤان دەست پێ کریە.

ئەڤ ئەفسەرێ دارستانێ دبێژە: ئەڤ فیل بوویە سەدەما کوشتنا 3 ژنان و 2 زەلامان.

ئەفسەرێن ناڤچەیا کو فیلی ئێرش کریە سەر دبێژن: ب وێ رادەیا کو پاراستنا جانێ مرۆڤان ژ بۆ مە گرینگە، ئەوقاس ژی ئازادیا ڤی هەیوانی، هەرچەند کو هەیوانەکە وەحشی یە ژ بۆ مە گرینگە و یەکە ژ ئەرکێن مە ئێن سەرەکە، ژبەر ڤێ یەکێ وێ ئەڤ فیل وەرە هنارتن ژ بۆ جيه‌كه‌ ئێمن.

راپۆر ئاماژێ ب ڤێ یەکێ ددن کو د دەما 5 سالێن داویێ دە، 2300 کەسان ژ ئەگەرێ ئێریشا فیلان ل هندستانێ، جانێ خوە ژ دەست دانە.

ژ سالا 2011ان هەیا نها 700 فیل هاتنە کوشتن، ئەڤ د دەمەکێ ده‌ یە کو پسگرێک نە ژ فیلایە، بەلکو سەدەما ڤێ یەکێ، بچووک بوونا جیێ ژیارا ڤان هەیوانا یە.