ئارته‌شێن داگیركاریا تركیێ و رووسیا فه‌ده‌رال ئیرۆ ده‌وریا هه‌ڤپارا 7مین ل رۆژئاڤا كوردستانێ پێكانی و باله‌فرێن بێ پیلۆت پشتگریا ئاسیمان ژ بۆ له‌شكران چێكر.
ئیرۆ رۆژا شه‌می 16/11/2019ان یه‌كینه‌یێن ئارته‌شێن داگیركاریا تركیێ و پۆلیسێن له‌شكری یێن رووسیا فه‌ده‌رال، ده‌وریا 7مین یا هه‌ڤپار ل ناڤچه‌یێن رۆژئاڤا كوردستانێ ل رۆژهلاتا فراتێ پێكانی و باله‌فرێن بێ پیلۆت وه‌كه د پلانێ ده، پشتگری و ئه‌وله‌هیا ئاسیمان ژ بۆ له‌شكران چێكر.
ل ڤێ ده‌ربارێ ده، وه‌زاره‌تا پاراستنا نه‌ته‌وه‌ئی یا تركیێ به‌یانه‌كه نڤیسكی وه‌شاند و تێده ئه‌شكه‌ره كر كو ده‌وریا هه‌ڤپار یا 7مین ل ناڤچه‌یێن ناڤبه‌را قامشلۆ و دێركێ ده هات پێكانین.
4 ئه‌ره‌به‌یێن له‌شكرێ تركیێ و 4 ئه‌ره‌به‌یێن له‌شكرێ رووسیایێ به‌شداری كر و ژ ئاسیمان باله‌فرێن جه‌نگی یێن بێ پیلۆت ته‌ڤلی هه‌ركه‌رتێن ده‌وریا هه‌ڤپار بوونه.
وه‌زاره‌تا پاراستنا نه‌ته‌وه‌ئی هه‌موه‌خت ئه‌شكه‌ره كر كو ده‌وریه ب كووراهیا 10 كم و درێژاهی 26 كم هات پێكانین.
