ترکیێ گەفا دووبارە دەستپێکرنا ئێریشا لسەر رۆژاڤا دکە

وەزیرێ دەرڤە یێ ترکیێ مەولۆد چاویشئۆغلۆ راگهاند، ئەمەریکا و رووسیێ ئەرکێن خوە د لهەڤهاتنێ بجهنەئانینە.

مەولۆد چاویشئۆغلۆ د داخویانیا خوە دە دیار کر کو هەر یەک ژ ئەمەریکایێ و رووسیایێ ئەو ئەرکێن لگۆرەی لهەڤهاتنێ دکەڤن سەر ملێن وان ژ بوو رۆژئاڤایێ کوردستانێ ب دروستی ئەنجام نەدانە لێ بەلێ ترکیێ هەموو ئەرکێن خوە یێن د لهەڤهاتنێ دە ب تەمامی بجهنەئانینە.

چاویشئۆغلۆ ئیرۆ 19/11/2019ان نەرازیبوون ژبوی هەر یەک ژ ئەمەریکا و رووسیا گرتن و دیار کر کو هەیا نها ئەڤ ولاتە پابەند نەبوونە ب خالێن لهەڤهاتنێ و ئەرکێن خوە ب تەمامی بجهنەئانینە، چاویشئۆغلۆ د بەردەوامیا ئاخافتنێن خوە دا گۆت پێویست بوو ئەمەریکا و رووسیا ئەرکێن خوە ب تەمامی بجهئانیبان و پابەندی لهەڤهاتنێ ببان.

هەروەها چاویشئۆگلۆی ئامەژە دا وێ یەکێ کو ئەگەر ئەم ئەنجامان د لهەڤهاتنێ دە نەستینین ئەمێ جاردن  ئێریشا کو مە دەستپێکربوو بدۆمینین.