ل ئیرانێ 3 ئەندامێن سوپایێ پاسداران و بەسیجان تێن کوشتن

ل ئیرانێ 3 ئەندامێن سوپایێ پاسداران و بەسیجان تێن کوشتن

ئاژانسا نووچەیان ئا “فارس” راگهاند کو د ئەنجاما خوەپێشاندانێن شەڤا رابووری ل تەهرانا پایتەختا کۆمارا ئیسلامی ئا ئیرانێ دە ل رۆژئاڤایێ تەهرانێ 3 ئەندامێن سوپایێ پاسداران و بەسیجان هاتن کوشتن.

ڤێ ئاژانسێ ئەشکەرە کر کو ب سەدەما پەڤچوونا دناڤبەرا خوەپیشاندەران دگەل هێزێن ئەولەهیێ یێن ئیرانێ دە ل باژارێ مەرەند ل رۆژئاڤایێ تەهرانێ، سێ ئەندامێن هێزێن سوپایێ ئیرانێ و بەسیجان هاتن کوشتن.

ژ ئالیەکە دن مەدیایێن ئیرانێ ئەشکەرە کر کو ل رۆژا ئینی یا بووری دە 75 هۆبەیێن جودا ئێن بەنکێن باژارێ شیرازێ ل باشوورێ ئیرانێ هاتینە قەپات کرن.

د ڤان خوەپیشاندانێن ئیرانێ دە هەیا نها پێتری هەزار کەسان ژ خوەپیشاندەران هاتینە دەستەسەرکرن و هەژمارەکە دن ژی ب سەدەما تەقەیا راستە راست ئا هێزێن ئەولەهیا ئیرانێ کو پێک دهێن ژ هێزێن سوپا و بەسیج و پۆلیسان هاتینە کوشتن، ل باژارێن رۆژهلاتێ کوردستانێ ژی ژبەر ئەنجامدانا خوەپیشاندانا هەیا نها نێزی 80 کەسان هاتینە کوشتن و پیتری 300 کەسان ژی هاتینە دەستەسەرکرن، ئەڤ خوەپیشاندانە ب سەدەما گران کرنا بهایێ بەنزینێ ژ ئالیێ دەسهەلاتا ئیرانێ هاتن دەست پێ کرن کو بهایێ هەر لیترەک ژ بەنزینێ ژ 1000 تیمەنان بلند کر ژ بوو 3000 هەزار تیمەنان.