ئه‌ردۆگان: ئه‌م دزانن كو ئه‌مه‌ریكا ده‌ست ژ یه‌په‌گێ به‌رناده‌

ئه‌ردۆگان: ئه‌م دزانن كو ئه‌مه‌ریكا ده‌ست ژ یه‌په‌گێ به‌رناده‌

سه‌رۆك كۆمارێ تركیێ ئیرۆ به‌شداری جڤینا كوالیسیۆنا ئاكه‌پێ ل پارله‌مه‌نێ كر و هنه‌ك مه‌له‌فێن رۆژه‌ڤا تركیێ و ناڤچه‌یێ نرخاندن، ئه‌ردۆگان گۆت: ئه‌مه‌ریكا ده‌ڤ ژ پشته‌ڤانیكرنا چه‌كدارێن كورد به‌رناده‌.

ره‌جه‌ب ته‌یب ئه‌ردۆگان ئیرۆ ل جڤینا كوالیسیۆنا پارتیا خوه‌ ئا داد و گه‌شه‌پێدانێ به‌شداری كر و گۆتار خوه‌ند، ئه‌ردۆگان وها ئاخڤی: تركیه‌ دزانه‌ كو ئه‌مه‌ریكا ده‌ڤ ژ پشته‌ڤانیكرنا چه‌كدارێن كورد ئێن ل سووریایێ به‌رناده‌، لێ به‌لێ ته‌كۆشینا مه‌ ل دژی وان وێ ب دۆمه‌.

هه‌ر وها ده‌ست نیشان كر، تركیه‌ اهساس دكه‌ كو ئه‌مه‌ریكا وێ به‌رده‌وام پشتگریێ ژ بۆ چه‌كدارێن كورد بكه‌ و گۆت: ئه‌مه‌ریكا دخوازه‌ یه‌په‌گێ وها نیشان بده‌ كو كیانه‌كه‌ ل دژی دایشێ شه‌ر كریه‌.

ب نه‌رینا ئه‌ردۆگان یه‌په‌گه‌ د خانا ته‌رۆرێ ده‌یه‌ و تاوانێن دژی سڤیلان ئه‌نجام دانه‌، هه‌ر وها تو شه‌ره‌ك ل دژی دایشێ نه‌كریه‌، لێ ئا راست یه‌په‌گێ و هه‌سه‌دێ پێتر ژ 11 هزار شه‌هیدان ل ناڤچه‌یێن رۆژئاڤا كوردستانێ د جه‌نگا خوه‌ ئا ل دژی ته‌رۆرێ ده‌ دانه‌.

هه‌ر ل ده‌ربارا مه‌له‌فا سووریێ و رۆژهلاتا فراتێ، سه‌رۆكێ تركیێ گۆ كو جه‌نگا وان ل ناڤچه‌یێ وێ بدۆمه‌ و ئێدی ئه‌و رێ ناده‌ن تو پلانه‌ ل ناڤچه‌یێ بێی موافه‌قه‌تا وان وه‌ره‌ ئه‌نجام دایین.

پوستێن ھەمان بەش